Hechos 19:8 - Wuj Pa K'ubultzij

⁸ Oxib' ik' xuch'ij ma Pablo, chi arewi k-e pa ja re molb'al ib' ke i judío, ipa xutzijoj wi utzij i Dios chi lik xuxij ti rib' chub'ixkil, lik xlapan ku' i winaq xaq xuyu'uj kixikin chupam i ajawinik re i Dios.

I ʼUtz Laj Tzij Re I Dios

⁸ Che tak i uxlambal ʼij re i oxib icʼ, i ma Páblo n-xu mayij tiʼenam pa qui molbalʼib i aj Israel. Lic co u wach xu cʼut u tzij i Dios chique; ʼolic xqui chap quib chi tzij rumal usucʼ. Lic xu tij u ʼij chu cʼutic chique wach i ʼatbal tzij re i Dios.

Ri Utzilaj Tzij re ri Kanimajawal Jesucristo

⁸ Xoc c'u ri Pablo pa ri sinagoga, yey oxib ic' c'u ri' xutzijoj ri Utzilaj Tzij y na xuxi'ij ta c'ana rib che u'anic wa'. C'olic caquichapala' quib cuc' raj judi'ab puwi ri cuc'utu y lic xutij uk'ij cha' cucoj pa quijolom ri usuc' puwi rutakanic ri Dios.

Ri utzilaj tzij re ri kanimajawal Jesucristo

⁸ Xok k'u ri Pablo pa ri sinagoga, yey oxib' ik' k'u ri' xutzijoj ri Utzilaj Tzij y na xuxi'ij ta k'ana rib' che u'anik wa'. K'olik kakichapala' kib' kuk' raj judi'ab' puwi ri kuk'utu y lik xutij uq'ij cha' kukoj pa kijolom ri usuk' puwi rutaqanik ri Dios.

Hechos 19:8 Referans Kwoze

Hechos 1:3

Chrijil chik ukamik lik saqil xuk'ut chik rib' chke, k'utb'al re chi lik k'aslik. Kawinaq (40) ij xuk'ut rib' chke xaq xulap chke wach taq usuk' i ajawinik re i Dios.

Hechos 28:23

Rumali chi xkich'ik jun ij chi kkimol kib' ru' ma Pablo. Are xuriq i ij, je k'i i winaq xemoltaj chila ipa o wi ma Pablo. I ma Pablo xujeq lapanik ku' are xsaqirik k'ate xumayij xqaj i ij; xub'ij chke wach usuk' i ajawinik re i Dios. Ire xutij u'ijol ub'ixkil chi chkikojo i Jesús, xub'ij usuk' chke ru' u'atb'al tzij i mam Moisés xaq ru' i tzij chi tz'ib'tal kan kumal i profeta.

Júdas 1:3

Ix, wachalal chwach i Cristo chi kixwaj, inch'ob'om te'eq yin kintz'ib'aj b'i jun wuj chiwe chrij usuk' i totajik chi u'anom i Dios chwe yin, xaq chiwe yix. Xwiri wo'or kwil yin chi o uchak chi xa junwi kintz'ib'aj chiwe. Kinb'ij chiwe chi chikoch'ij iwach che ukub'ib'al ik'ux chi k'uttal kan chiwe ujer, are ile chi yatal kan chke i je re i Dios.

Hechos 19:9

Xwiri, je o jujun winaq chi lik je b'uy, xkaj ti xkikoj i Jesús, lik chkiwach i winaq xane xe'ok chuyo'yaxik i K'ak' B'e re i Jesús. Rumali i ma Pablo xel ku', xaq xeuk'am b'i i winaq chi xekojon che i Dios, xeuk'am b'i pa tijonb'al ib' re jun achi ma Tiranno ub'i. Chila xok wi chub'ixkil utzij i Dios ij ij chke i winaq.

Hechos 18:19

Are xeupon pa tinimit Éfeso, i ma Pablo xeuya kan ati Priscila xaq i ma Aquila chila, ire x-e pa ja re molb'al ib' ke i judío, xlapan ku' konojel ni'pa i kimolom kib' chila.

Hechos 18:4

Pa taq sábado, i ma Pablo k-e pa ja re molb'al ib' ke i judío, chila xub'ij utzij i Dios chke aj Judío xaq chke i ne te aj Judío, lik xuyu'uj kixikin.

Hechos 17:17

Rumali chi ij ij kkichap kib' che i tzij ku' aj Judío chila pa ja re molb'al ib' ke i judío le, xaq keje ile ku' i jub'an chik chi kkikoj u'ij i Dios; xaq ij ij keje ile ku'an ku' i jub'an chi kkimol kib' chila pa k'eb'al.

Hechos 14:1

I ma Pablo xaq i ma Bernabé, are xeupon che i tinimit Iconio, xe'ok b'i junam pa ja re molb'al ib' ke i judío. Lik utz ub'ixkil utzij i Dios xki'ano, rumali lik je k'i aj Judío xaq i ne te aj Judío xekojon chke.

Hechos 13:46

Are uri ma Pablo xaq i ma Bernabé, lik ru' ukowil kik'ux xkila' uwach chke: —Lik o chqaqul ub'ixkil utzij i Dios chiwe yix nab'e chi ix aj Judío; xwiri, yix kich'ob'o chi lik kmajaw ti chiwe kya' ik'aslemal chi nti uk'isik, rumali wo'or koj-e chub'ixkil chke i jub'an chi ne te aj Judío.

Hechos 13:14

I jub'an xe'el pa Perge, xe'e pa tinimit Antioquía chi ukwenta i tinimit Pisidia. Are xuriq i ij sábado, xe'ok pa ja re molb'al ib' ke i judío, xekub'i chila.

Hechos 18:26

I ma Apolos le, lik ru' ukowil uwach xujeq ub'ixkil i utz laj tzij pa ja re molb'al ib' ke i judío; xwiri are xkita i ati Priscila xaq i ma Aquila, xkisik'ij b'i ku' kitukel, are uri lik xkisaqij mas usuk' i utz laj tzijonik re i Dios che.

Hechos 19:7

Konojel ni'pa xqaj i Lo'laj Utewal i Dios pkiwi, je kab'lajuj achiyab'.

Hechos 19:10

Keje ile xu'an che i keb' junab'. Rumali chi konojel ni'pa i je o pa tinimit Asia, aj Judío xaq aj Grecia xkita utzij i Ajwal.

Hechos 20:31

Chichajij iwib'; xaq chk'un chik'ux chi oxib' junab' lik chipa'ij chicha'ab' xixinpixb'aj chijujunal, tupu olik lik xintij o'ej iwu'.