Hechos 1:3 - Wuj Pa K'ubultzij

³ Chrijil chik ukamik lik saqil xuk'ut chik rib' chke, k'utb'al re chi lik k'aslik. Kawinaq (40) ij xuk'ut rib' chke xaq xulap chke wach taq usuk' i ajawinik re i Dios.

I ʼUtz Laj Tzij Re I Dios

³ Qʼuialmul u cʼutum rib chique chi ire lic cʼaslic. Cuarénta ʼij u wach, puwi i ʼij chi xcamsax wi, queje ile xu ʼano, quiquilbej-re chi katzij ire cʼaslic; xak xu lap chique wach usucʼ i ʼatbal tzij re i Dios piqui cʼux i winak.

Ri Utzilaj Tzij re ri Kanimajawal Jesucristo

³ Chwi c'u rucamic, xc'astaj lo chiquixo'l ri ecaminak y c'a xc'oji' cuarenta k'ij che ruwachulew. Chupa tak c'u la' la k'ij, uq'uiyal laj e la' xuc'ut uwach chiquiwach rutako'n y xch'a't cuc' puwi ri takanic re ri Dios. Jec'ula' ri', lic xuc'utu pakatzij wi Rire c'aslic.

Ri utzilaj tzij re ri kanimajawal Jesucristo

³ Chwi k'u rukamik, xk'astaj lo chikixo'l ri ekaminaq y k'a xk'oji' cuarenta q'ij che ruwachulew. Chupa taq k'u la' la q'ij, uk'iyal laj e la' xuk'ut uwach chikiwach rutaqo'n y xch'a't kuk' puwi ri taqanik re ri Dios. Jek'ula' ri', lik xuk'utu paqatzij wi Rire k'aslik.

Hechos 1:3 Referans Kwoze

Hechos 13:31

Te'uri i Jesús k'iyalmul xuk'ut chik rib' chke utijoxelab' chi xkachi'ilaj che uchak chila pa Galilea k'a pa Jerusalén; wo'or je are ike chi je ajsaqinel tzij ketijin chulapik chke i winaq wach xkilo xaq wach xu'an i Jesús.

Juan 20:26

Wajxaqib' ij rik'awik ile, i tijoxelab' kimolom tan chik kib' chupam jun ja xaq keje i ma Max o ku'. Tupu tz'apil uchija xwiri i Jesús xok b'i ku', xtak'i chkixol xaq xuya rutzil kiwach ru' i tziji: —¡Ch-ol uxlanb'al k'uxij iwu'! —Xcha.

1 Juan 1:1

Kqatz'ib'aj chiwe chrij i jun chi ax o wi chuxeb'al li ij saq. Ire qatom wach i xub'ij, xaq qilom ru' qab'a'wach; qatzij lik qilom uwach, xaq qachapom ru' qa'ab'. Qatzij Ire are i tzij chi kuya i k'aslemal.

Juan 21:14

Are uroxmul ile chi i Jesús xuk'ut rib' chke utijoxelab', are walijnaq chik che i kamik.

Juan 21:1

Chrijil chik ronojel ile i Jesús xuk'ut chik rib' chke utijoxelab' chila chuchi' i semelik ya Tiberias ub'i. I uk'utik rib' chke utijoxelab' keje iri:

Mateo 28:9

Xaqte'et i Jesús xuk'ut chkiwach ike, xaq xuya rutzil kiwach. Ike xetejeb' ru' xaq xexuki chwach, kojb'al u'ij, xaq xkitz'ulej i raqan.

Hechos 28:31

Lik xutzijoj i ajawinik re i Dios lik nti xuxij rib' che xaq xu'aljinsaj upatan i Ajwal Jesucristo, lik mijun x-atiw chub'ixkil ile.

1 Tesalonicenses 2:12

Xaq lik xixqapixb'aj chu'ankil i utz pacha i kmajaw chiwe chi ix re chik i Dios. Kmajawik keje ki'an ile man Ire kixusik'ij ru' che i okb'al ipa ku'at wi tzij Ire, re kiriqb'ej i u'ij uchomal.

Colosenses 1:13

I Dios oj resam pu'ab' i equmal, xojuk'am b'i ipa krajawin wi Uk'ojol chi are i Cristo chi k'ax kuna'o.

Romanos 14:17

I usuk' i qa'olem pa ajawinik re i Dios are ti wach taq i kqatijo, wach taq i kqatu'u; are wach taq kpe ru' Lo'laj Utewal i Dios are i qak'aslemal suk'ulik, utz olem, xaq i kikotemal.

Mateo 21:43

Rumali, kinb'ij chiwe chi Dios kresaj ni uchak pi'ab' yix xaq kuya ni pki'ab' jub'an chik ajchakib' je utz, chi kkiya ni i molonik che i Dios pacha kmajawik.

Deuteronomio 9:9

Are uri yin xinel b'i puwi i jyub' man keink'ama i tz'alam ab'aj chi tz'ib'tal utzij upixab' i Dios chwach chi Ajwal u'anom iwu' yix, chila xinkanaj wi kawinaq (40) ij xaq kawinaq (40) a'ab' chi nti wa xintijo xaq nti ya xintu'u.

Mateo 4:2

Chila xuch'ij kawinaq (40) ij, kawinaq (40) a'ab', lik nti xutijo; chrijil chik ile xpe i numik che.

Mateo 3:2

¡Chijalwachij i nojb'al chwach i Dios; man i ajawinik re i Dios aj Chikaj lik ya kk'unik! Xcha.

1 Reyes 19:8

Are uri ma Elías xwalijik chik, xutij uwa xaq xutu' uya'. I wa'im le lik xuya ucho'ab', rumali chi kawinaq (40) ij xaq kawinaq (40) a'ab' xb'inik, k'a xupon ni chila Horeb chi are i jyub' re i Dios.

Deuteronomio 9:18

Te'uri xinxuki chwach i Ajwal, pacha xin-an che i kawinaq (40) ij xaq kawinaq (40) a'ab' chi nti wa xintijo xaq nti ya xintu'u. Ronojel ile xa rumal imak yix chi xi'ano man rumal imak le xiqajsaj u'ij i Ajwal xaq lik xipetsaj roywal.

Marcos 16:19

Chrijil chik ulapanik ku' utijoxelab', i Jesús xyak b'i chikaj, are uri xkub'i puwiqab'im i Dios.

Hechos 8:12

Xwiri, are xkikoj i utz laj tzij k'ak' chrij i ajawinik re i Dios xaq i Jesucristo chi xub'ij i ma Felipe chke, are uri xkitz'onoj uqajsaxik ya pkiwi che achiyab' xaq che ixoqib',

Hechos 19:8

Oxib' ik' xuch'ij ma Pablo, chi arewi k-e pa ja re molb'al ib' ke i judío, ipa xutzijoj wi utzij i Dios chi lik xuxij ti rib' chub'ixkil, lik xlapan ku' i winaq xaq xuyu'uj kixikin chupam i ajawinik re i Dios.

Hechos 28:23

Rumali chi xkich'ik jun ij chi kkimol kib' ru' ma Pablo. Are xuriq i ij, je k'i i winaq xemoltaj chila ipa o wi ma Pablo. I ma Pablo xujeq lapanik ku' are xsaqirik k'ate xumayij xqaj i ij; xub'ij chke wach usuk' i ajawinik re i Dios. Ire xutij u'ijol ub'ixkil chi chkikojo i Jesús, xub'ij usuk' chke ru' u'atb'al tzij i mam Moisés xaq ru' i tzij chi tz'ib'tal kan kumal i profeta.