Hageo 2:3 - Wuj Pa K'ubultzij

³ “I jub'an chi xkil i jun chik rachoch i Dios chi lik chom, chib'ij pe', wach kiwil che i juni chi o wo'or. ¿Kiwil ti yix chi lik kumaj taj pacha i jun nab'e?

Hageo 2:3 Referans Kwoze

Esdras 3:12

K'i chke i ajsujul sipon, aj Leví xaq i aj-atzil ke alk'uwal chi je nimaq taq winaq chik, chi kilom i nab'e rachoch i Dios, lik kesik'in che o'ej, man kkilo chi xjeqan uyakik jun chik rachoch i Dios. Xaq jub'an chik lik kesik'in rumal kikikotemal.

Ezequiel 7:20

Rumal uchomal i chomiq taq ab'aj re wiqb'al ib' xetzaq pa mak atzalal, xaq ru' ile xki'an uk'exwach kitiox chi xaril je antalik. Rumali yin kin-an ni che i chomiq taq ab'aj re wiqb'al ib' le pacha tz'il.

Hageo 2:9

I ukab' rachoch i Ajwal lik mas chom na chwach i nab'e. Are uri kin-an na chi o chomb'al ib' che i k'ijib'ali. Yin in Ajwal chi Ronojel Kintiki Che, xinb'ij.”

PRIMER LIBRO DE CR%D3NICAS 22:5

Ma David xuch'ob'o: “Ink'ojol a Salomón, ire k'amaja ujunab', i rachoch i Dios chi kyakik rajwaxik chi lik nim k-ani ni che, lik nim u'ij xaq lik chom na chwach ronojel ni'pa o chwach i jyub' ta'aj; rumali chi ronojel ni'pa i kajwaxik, kinyijb'a kan che.” Rumali chi ma David xuyijb'a kan k'iyal taq rajwaxik chuxe'el ukamik.

Esdras 3:11

Jujun keb'ixanik, i jub'an chik kkila' uwach ru' i tziji: “Chitioxij che i Ajwal, man ire lik utz uk'ux, man i k'axnab'al uk'ux chke aj Israel lik k-e ij saq chrij”. Konojel i winaq kesik'in rumal kikikotemal xaq kkikoj u'ij i Ajwal, man xjeqan chik uyakik i rachoch i Ajwal.

ISAÍAS 64:10

I lo'laj taq atinimit xe'on pacha jun tz'inilik jyub' chaqij, i tinimit Jerusalén lik utz ti chik u'anom, lik wulijnaq chik.