Hageo 1:1 - Wuj Pa K'ubultzij

¹ Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

Hageo 1:1 Referans Kwoze

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

Esdras 3:2

Are uri ma Jesúa, chi uk'ojol ma Josadac, xaq i je rachi'il chi ajsujul sipon junam ru' ma Zorobabel, chi uk'ojol ma Salatiel, xaq i rachalal, xkijeq uyijb'axik i sujb'al usipon i Dios aj Israel, man puwi kkisujuj wi i porom sipon, chrij pacha kub'ij u'atb'al tzij ma Moisés chi rajpatan i Dios.

Hageo 2:10

Che i ij kajib' juwinaq re i ub'elej ik' che i junab' chi xrajawin i ajawinel ma Darío, i Ajwal xlapan chik ru' i profeta ma Hageo

Hageo 1:12

I ma Zorobabel, ma Josué xaq i winaq chi je kanajnaq chila lik xkixij kib' are xkita wach kub'ij i Ajwal chke pub'i i profeta ma Hageo, iri are i tzij chi Ajwal Dios uya'om te chuqul ub'ixkil.

Hageo 1:14

Keje uri ile, i Ajwal xuya ukowil uk'ux ma Zorobabel, chi aj-atol tzij re i Judá, ma Josué chi aj-atzil ke ajsujul sipon, xaq i winaq chi je kanajnaq kanoq, che i ij kajib' juwinaq re uwaq ik' re ukab' junab' re rajawinik i ajawinel ma Darío, xkijeq tan chik uyakik i rachoch i Ajwal Dios, i Ajwal chi ronojel ktiki che.

Esdras 6:14

Keje uri ile chi aj-atzil ke aj Judío xkijeq chik i chak chrij pacha xkib'ij i profeta, chi ma Hageo xaq ma Zacarías, chi uk'ojol ma Iddo. I rachoch i Dios xutzinik chrij pacha utaqom ub'ixkil i Dios ke aj Israel, xaq chrij pacha utaqom ub'ixkil ma Ciro, ma Darío xaq ma Artajerjes chi je ajawinelab' re i tinimit Persia.

Hageo 2:20

Che i ij le, i Ajwal xlapan chik ru' ma Hageo,

Hageo 2:4

¡Xwiri chakowij ak'ux ma Zorobabel! ¡Chakowij ak'ux ma Josué chi at aj-atzil ke i ajsujul sipon! Xaq yix chi ix winaq re i tinimit chikowij ik'ux. Chixchakunoq man Yin in o iwu' yix. Yin in Ajwal chi Ronojel Kintiki Che, kinb'ij.

NEHEMÍAS 12:10

I uk'ojol ma Jesúa are ma Joiacim, i uk'ojol ma Joiacim are ma Eliasib, i uk'ojol ma Eliasib are ma Joiada,

NEHEMÍAS 12:1

Iri are ajsujul sipon xaq aj Leví chi xetzalij li ru' ma Zorobabel, chi uk'ojol ma Salatiel, xaq ru' ma Jesúa: Chke ajsujul sipon, je are iri: Ma Seraías, ma Jeremías, ma Esdras,

NEHEMÍAS 8:9

Konojel i winaq, xe'o'ik are xkita wach ke'el i tzij chi kub'ij i wuj re u'atb'al tzij i Dios, are uri ma Nehemías chi aj-ok'al utzam i jalajuj taq i tinimit, i ma Esdras chi tijonel xaq ajsujul sipon xaq aj Leví chi kkisaqij u'atb'al tzij i Dios chke i winaq, xkib'ij chke konojel chi meb'isonik xaq me'o'ik man i ij le lik ultalik re i Dios.

NEHEMÍAS 5:14

Kab'lajuj junab', chi kjeqan b'i che i junab' juwinaq, are xinuya kan ma Artajerjes chi ajawinel, chrok'axik utzam i jalajuj taq tinimit Judá, k'a che i junab' kab'lajuj juwinaq (32) re rajawinik, mitene yin xaq mitene i je tol we xqak'am qajil.

Esdras 4:24

Keje uri ile chi xch'aqi uyakik i rachoch i Dios chila pa Jerusalén k'a che ukab' junab' rajawinik ma Darío chi ajawinel pa Persia.

Esdras 4:2

are uri xe'e ru' ma Zorobabel, ru' ma Jesúa xaq ku' i aj-atzil ke alk'uwal; xkib'ij chke: —Chiya ni chqe chi kixqato chuyakik i rachoch i Dios, man yoj xaq qatzukum i Dios chi kikoj u'ij yix, xaq qasujum qaporom sipon che are xujeq ajawinik ma Esar-hadón, chi ajawinel pa tinimit Asiria, chi xaq are ire xojuk'am li waral.

Esdras 2:63

Xwi ta la ile, xaq i aj-ok'al utzam i tinimit xub'ij chi ktijaw ti ti'b'alil chi jachom pu'ab' i Dios, k'a kub'ij ni jun ajsujul sipon man kutz'onoj ni che i Urim xaq i Tumim we utz ktijawik.

Esdras 1:8

Ma Ciro xujach che ma Mitrídates chi ajk'olon mer, i ma Mitrídates le are xutzin chrajlaxik i mer le, xujach che ma Sesbasar chi are Aj-ok'al utzam i tinimit Judá.

PRIMER LIBRO DE CR%D3NICAS 3:19

I je rak'al ma Pedaías je are iri: Ma Zorobabel xaq ma Simei. I je rak'al ma Zorobabel je are iri: Ma Mesulam, ma Hananías xaq ati Selomit chi kanab' ike.

PRIMER LIBRO DE CR%D3NICAS 3:17

I je umuq uxikin ma Jeconías chi xelsax b'i chwach rulew je are iri: Ma Salatiel chi are nab'e rak'al,

2 Reyes 14:25

Ma Jeroboam xuya chik uchi' i ulew Israel puk'ijib'al. Kel chila che i okb'al re i ulew Hamat, k-e k'a chila chuchi' i mar Arabá ub'i, chrij pacha usaqim i Ajwal, chi ki-Dios aj Israel che ma Jonás, chi uk'ojol ma Amitai, chi xaq profeta re i tinimit Gat-hefer.

1 Reyes 14:18

Konojel aj Israel xe'e chumuqik xaq lik xe'o' che, chrij pacha xutaq utzijoxik i Ajwal rumal i rajpatan chi ma Ahías, chi profeta.

Lucas 3:27

i ma Judá are uk'ojol i ma Joana, i ma Joana are uk'ojol i ma Resa, i ma Resa are uk'ojol i ma Zorobabel, i ma Zorobabel are uk'ojol i ma Salatiel, i ma Salatiel are uk'ojol i ma Neri,

ÉXODO 4:13

I ma Moisés lik xub'ij chik: —Wajwal, cha'ana utzil chataqa b'i jun chik pink'exel.

1 Reyes 10:15

Ajlam ti uri ni'pa i tojonik chi kki'an ajk'ayinel xaq je ajlo'onel, xaq konojel i ajawinelab' aj putinimit Arabia xaq jalajuj taq aj-ok'al utzam re i nim laj tinimit.

Esdras 5:1

I profeta chi ma Hageo xaq ma Zacarías, chi uk'ojol ma Iddo, xkib'ij chke aj Judío xaq chke aj Jerusalén wach xya' retamaxik chke rumal i Ajwal chi ki-Dios aj Israel.

Esdras 5:3

Xwiri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il, xe'e chub'ixkil chke: “¿Pachin xuya i taqanik chiwe chi kiyak tan chik i rachoch i Diosi xaq kich'uq rij ru' che'? ¿Wach kib'i i winaq chi ketijin tan chik chuyakik i rachoch i Dios?”

Esdras 10:18

I ajsujul sipon chi xeriqtajik chi je k'ulinaq ku' ixoqib' chi kach tinimit taj, je are iri: Chke umuq uxikin ma Jesúa, chi uk'ojol ma Josadac, xaq i rachalal, je are: Ma Maasías, ma Eliezer, ma Jarib, xaq ma Gedalías;

Hageo 1:2

Iri are xub'ij i Ajwal chi ronojel ktiki che, che i profeta chi kub'ij na: “I winaqi kkib'ij chi k'amaja kuriq i ij chi kyak tan chik wachoch.

Hageo 2:21

xutaq chub'ixkil chi kub'ij che i ma Zorobabel aj-ok'al utzam i jalajuj taq tinimit pa Judá: Yin kin-an ni che i kaj xaq i ulew chi keyikyatik;

MALAQUÍAS 1:8

i kich'ob' yix nti k-ono we kisujuj taq chikop chwe chi je potz', je jetz' o we xa je iwab'. ¡Jix pe ru' i atol tzij yix xaq chik'ama pe b'i chke! ¡Chiwila uri we ike qus kkil uk'amik i sipon le!

ZACARÍAS 1:1

Che i uwajxaq ik' re i ukab' junab' re rajawinik i ajawinel ma Darío, i Ajwal xub'ij i tzijoniki che i profeta ma Zacarías, chi uk'ojol ma Berequías xaq i ri umam ma Iddo. Xub'ij che:

ZACARÍAS 3:1

Te'uri i Ajwal xuk'ut ma Josué chwe che jun ilanik pa wachij, chi kaj-atzil i ajsujul sipon, tak'al chwach i ángel re i Ajwal. Puwiqab'im i ma Josué o i ángel chi ajkojol mak, chi lik xuyijb'a rib' chukojik umak.