Habacuc 1:2 - Wuj Pa K'ubultzij

² Ajwal, ¿K'a junpa kinata na man kinsik'in chutz'onoxik tob'al we chawe, i yet kinata taj? ¿K'a junpa kintz'onoj ni chawe rumal i ch'oj, i yet katk'un ti chqato'ik?

Habacuc 1:2 Referans Kwoze

Lamentaciones 3:8

tupu xinsik'inik re kintz'onoj intob'al; xukoj ti retalil insik';

JEREMÍAS 14:9

¿B'uchak a'anom che awib' pacha jun winaq chi sachnaq unojb'al, pacha jun aj-anol ch'oj chi kton ti chu'anik ch'oj? Xwiri, Ajwal, yet at o chqaxol yoj, konojel i winaq keta'am chi yoj oj atinimit, ¡Mojawo'taj!

Apocalipsis 6:10

Ike xesik'in chub'ixkil: “Lo'laj Ajwal, lik ka'an na pacha ab'im. ¿Junpa nawi ka'an i atb'al tzij pkiwi i winaq re uwach i jyub' ta'aj re ka'an uk'exel chke man xojkikamsaj?” Xkib'ij.

Salmos 94:3

Ajwal, ¿K'a junpa, lik k'a junpa nawi kkimayij i itzel laj taq winaq le chi kekikotik?

Job 19:7

Tupu kinsik'in chub'ixkil: ¡Kinkamsaxik! Mijun kinuta xaq we kinb'ij: ¡Chinito! Mijun ku'an atb'al tzij pinwi.

ZACARÍAS 1:12

I ángel re i Ajwal xub'ij: “Ajwal chi ronojel kattiki che, lik o chik lajuj oxwinaq (70) junab' chi mi'naq awoywal che i tinimit Jerusalén xaq chke i tinimit Judá. ¿Ni'pa chik ij kik'awik chi kawil tan chik tob'al kiwach?”

Salmos 22:3

Xwiri yet at lo'laj Dios, yet kat-ajawinik, xaq koksax a'ij kumal i je aj Israel.