GÉNESIS 50:11 - Wuj Pa K'ubultzij

¹¹ I aj Canaán chi je jeqel chila naqaj che osb'al trigo chi Atad ub'i, are xkilo chi lik ke'o'ik xaq kesik'in i aj Egipto, xkib'ij: “I je aj Egipto le lik je o chupam jun nim laj b'is rumal kikamnaq”; xecha. Rumali i k'ijib'al le xkiya pub'i Abel-mizraim, ile o naqaj che i raqana Jordán.

GÉNESIS 50:11 Referans Kwoze

GÉNESIS 24:6

I mam Abraham xub'ij chik che umokom: —Cha'ana jun utzil chwe ¡Lik mach'ob' uk'amik b'i ink'ojol chila!

1 Samuel 6:18

Xaq i jo'ob' ch'o an-o'oj keje ile xki'an che pa taq jujunal chke i tinimit. Jujun chke i tinimit le sutim rij ru' tapial chi nim uwach xaq o jujun chi sutim ti rij. I nim laj ab'aj chi xkiya i kaxa re utrat i Ajwal puwi k'a k-iltaj uwach chila wo'or prulew ma Josué chi aj Bet-semes.

Deuteronomio 11:30

I keb' jyub' le o chila ch'aqa ya che i raqana Jordán, pusuk' b'i i b'e chi k-e puqajb'al ij chupam kulew aj Canaán, chi je o chila chwa ta'aj chi Arabá ub'i, chwach i tinimit Gilgal xaq naqaj che i nimaq taq che' sik'al chi More ub'i.

Deuteronomio 3:27

Wo'or chat-el b'i k'a puwi i jyub' Pisga, are at o chik chila, chattzun b'i prelb'al ij, puqajb'al ij, pa moxab' xaq pa wiqab'. Xwiri yet ka'axuj ti i raqana Jordán le.

Deuteronomio 3:25

Lik kintz'onoj jun utzil chawe chi kaya chwe kin-ax ch'aqa ya Jordán, yin kwaj kin-e chrilik i chom laj ulew le, are i chom laj ulew chijyub' uwach xaq i jyub' Líbano.”

GÉNESIS 50:10

Are xeupon chila ipa k-osix wi trigo chi Atad ub'i, chi o naqaj che i raqana Jordán, are uri konojel lik xe'o'ik xaq lik xesik'inik. I ma José wuqub' ij xb'ison che uqajaw chila.

GÉNESIS 34:30

Are xril ma Jacob chi xeupon uk'ojol chi a Simeón xaq i a Leví kok'am b'i jalajuj taq chikop, ixoqib' xaq i ak'alab' are uri xub'ij chke: —Yix xinimin chupam jun nim laj ch'oj, wo'or i aj Canaán xaq i aj Ferez chi je jeqel waral kpe ni titat kipam chwe. We xkimol li kib' ike chwij re kamsab'al we, lik kinkikamsaj ni uri yin xaq konojel i walk'uwal, man yin je k'i ti inwinaq —xcha.

GÉNESIS 13:7

Rumali xpe i ch'oj chkixol ajyu'ul uchikop ma Abram ku' ajyu'ul uchikop ma Lot. Xaq che taq i ij le i je aj Canaán, xaq i je aj Ferez je jeqel chila chwach ulew le.

GÉNESIS 50:12

I rak'al mam Israel, lik xki'ano pacha xb'ix kan chke rumal kiqajaw;