GÉNESIS 49:8 - Wuj Pa K'ubultzij

⁸ Yet ma Judá, koksax ni a'ij kumal awatz acha', lik kachap ni pkiqul i ajch'oj chawij, xaq awatz acha' kexuki ni chawach.

GÉNESIS 49:8 Referans Kwoze

Hebreos 7:14

Ujer, mijun chke umuq uxikin i mam Judá xki'an i chak re rajpatan i Dios, man i mam Moisés xuya ti kan i patan le pki'ab' ike.

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

JOSUÉ 10:24

Are xkik'am li jo'ob' ajawinelab' le chwach ma Josué, are uri ma Josué xeusik'ij konojel kaj-atzil i achiyab' chi je yij che i ch'oj, xub'ij chke: “Chiya iwaqan rij kiqul i ajawinelab' le.” I kaj-atzil i achiyab' chi je yij che i ch'oj keje ile xki'ano.

Deuteronomio 33:7

Xaq xub'ij chke utzob'ajil ma Judá: Ajwal Dios, chata kitzij aj Judá. Cha'ana chke chi kkimol kib' pa kitinimit. Cheato ru' acho'ab'. Cheato chkiwach ajch'oj chkij.

GÉNESIS 29:35

I ati Lea le xk'aqtaj chik ukajmul, are uri xalax chik jun ralab', chi xuya pub'i a Judá, man xub'ij: “Wo'or kinkoj ni u'ij i Ajwal.” Te'uri xumayij alanik.

Apocalipsis 11:15

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

Apocalipsis 5:5

Te'uri o jun chke i nimaq taq winaq xub'ij chwe: “Chamayij o'ej, chi o wi ire chi kmajaw che kujaq i wuj. Ire le are i Cristo aj Israel winaq chi koy-em, are i Jun chi umuq uxikin kan i ajawinel ma David. Ire le o ucho'ab' pacha jun koj, man uqajsam ucho'ab' Itzel; rumal uri o pu'ab' kuraqch'ij i wuqub' sello xaq kujaq i wuj.” Xub'ij chwe.

Hebreos 10:13

Chila kroy-ej wi, k'a kuriq ni ij are keya' ni ajch'oj praqan u'ab'.

Ezequiel 21:29

Ni'pa i kilom pkiwach saqil taj, xaq ni'pa i kib'im, xa t'oronik. I ch'ich' chi k'ulala o uware ktzaq ni rij kiqul itzel laj taq je ajkamsanel le. Ya kk'un i ij chi kya' i k'isb'al utojb'alil chawe.

ISAÍAS 9:7

Kkub'i ni pa ukub'ib'al ma David chi o u'ij; xaipa kupaxsaj nu b'i ucho'ab', xaq i chomb'al ib' lik kk'is taj; i rajawinik lik utz ukub'axik kkanaj na, xaq i uxeb'al are ni u'anik i suk'ul laj atb'al tzij, ile o ke i winaq che, kjeqan b'i wo'or lik k'a arewi ronojel ij saq. Ile are ku'an ni nim laj k'axnab'al uk'ux i Ajwal chi ronojel ktiki che.

Salmos 76:1

I Dios lik etamam uwach pa Judá; i ub'i lik etamam pa Israel rumal wach ku'ano.

SEGUNDO LIBRO DE CR%D3NICAS 30:11

Xwiri jujun achiyab' chi re utzob'ajil ma Aser, ma Manasés xaq ma Zabulón, xkiqajsaj ki'ij chwach i Dios xaq xe'e pa Jerusalén.

SEGUNDO LIBRO DE CR%D3NICAS 17:2

Xeukoj achiyab' chi je yij che i ch'oj pa jalajuj taq tinimit re i Judá chi sutim rij ru' tapial nim uwach, xaq xukoj k'ijib'al ke i ajchajinelab' pa ronojel ulew Judá, xaq pa ronojel ulew Efraín, chi uk'amom kan ma Asa chi uqajaw.

SEGUNDO LIBRO DE CR%D3NICAS 15:9

Te'uri xumol kichi' aj Judá, aj Benjamín xaq xekachnimaj b'i ajb'inel chi je petnaq pa tinimit Efraín, Manasés xaq pa tinimit Simeón, man je k'i chik aj Israel kiya'om kiwach ru' ma Asa rumal xkilo chi i Kajwal Dios lik o ru' ire.

SEGUNDO LIBRO DE CR%D3NICAS 14:8

Ma Asa je o lajujmo' wuqlajujchiy jut'ub' (300,000) achiyab' ru' chi je yij che i ch'oj aj Judá, konojel o tob'al kib' re i ch'oj xaq o kiche' ch'ich' utzam, jo'lajujchiy jut'ub' (280,000) achiyab' re utzob'ajil ma Benjamín, ike le o tob'al kib' re i ch'oj xaq o kich'ab'. Konojel lik ko kiwach che i ch'oj.

2 Samuel 24:9

Are uri ma Joab xujach jun wuj che i ajawinel ipa tz'ib'tal wi kik'iyal i winaq, are uri xe'eloq chi pa tinimit Israel je o jo't'ub' (800,000) achiyab' chi je utz re i ch'oj, xaq je o lajujmo' kachiy oxt'ub' (500,000) achiyab' chi je utz re i ch'oj aj Judá.

2 Samuel 22:41

Lik xwilo are xe'anmaj b'i i ajch'oj chwij. Keje uchupik kiwach i winaq ile xin-ano chi ktitat kipam chwe.

2 Samuel 5:3

Keje uri ile chi konojel i rijab' re i jutzob'aj aj Israel, xe'e pa lapanik ru' ma David chila Hebrón, are uri ma David le xu'an jun trat ku' konojel, lik chwach i Ajwal. Are uri i rijab' re i jutzob'aj aj Israel xkijach ma David pu'ab' i Dios re kkanaj pa ajawinel puwi i tinimit Israel.

Jueces 20:18

I aj Israel xe'e pa tinimit Betel chutz'onoxik che i Dios pachin taq tzob'ajil kki'an ch'oj nab'e ku' utzob'ajil ma Benjamín. I Ajwal xub'ij chke chi are utzob'ajil ma Judá k-e chu'anik ch'oj nab'e.

NÚMEROS 26:22

Chrij pacha i ajlanik chi x-anik, konojel umuq uxikin ma Judá, je jo'winaq julajujmo' b'elejchiy (76,500) achiyab'.

NÚMEROS 10:14

Xenab'ej b'i achiyab' chi je yij che i ch'oj chi je o chuxe' i k'ul chi kuk'ut ki'ij i tzob'aj re ma Judá. I kaj-atzil ike le are ma Naasón, chi uk'ojol ma Aminadab.

GÉNESIS 46:12

I rak'al ma Judá je are: A Er, a Onán, a Sela, a Fares xaq i a Zara; xwiri i a Er xaq i a Onán xekam chila che ulew Canaán. Xaq i rak'al ma Fares je are: A Hezrón xaq i Hamul.

GÉNESIS 42:6

Are xeupon i ratz a José chila pa Egipto chulo'ik i trigo xexuki chwach, xkiqajsaj kipalaj k'a chwach ulew man are ire o puwi i tinimit, xaq are ire kk'ayiw i trigo chke konojel i winaq chwach ronojel i jyub' ta'aj.

NÚMEROS 26:20

I rak'al ma Judá pa taq alk'uwalil je are iri: Aj Sela chi je rak'al ma Sela, aj Fares chi je rak'al ma Fares xaq aj Zera chi je rak'al ma Zera.

PRIMER LIBRO DE CR%D3NICAS 28:4

Xwiri, i Ajwal Dios ke aj Israel, xinu'ul chkixol konojel i walk'uwal, anb'al ajawinel chwe ke aj Israel, ronojel ij saq. Man Ire xu'ul utzob'ajil ma Judá, chi are i tzob'ajil chi ku'at tzij. Che i tzob'ajil le, xeu'ul i walk'uwal, xaq chkixol i je rak'al inqajaw xinu'ul yin, man keje ile in ajawinel pkiwi konojel aj Israel.

JOSUÉ 15:20

Iri are kulew utzob'ajil ma Judá chrij pacha kik'iyal i kalk'uwal.