GÉNESIS 49:28 - Wuj Pa K'ubultzij

²⁸ Je are kab'lajuj tzob'aj aj Israel ile, xaq are tzij ile xub'ij kiqajaw chke are xutz'onoj utzil chomal pkiwi chkijujunal chrij pacha kmajaw chke.

GÉNESIS 49:28 Referans Kwoze

Apocalipsis 7:4

Xaq xinta ni'pa kik'iyal chi kok ni retalil chke: Je wajxaqlajujchiy (144,000) tzob'aj ke aj Israel.

Hechos 26:7

I kab'lajuj qatzob'ajil lik koy-em u'anik usujunik i Dios, rumali lik kkikoj u'ij, chipa'ij chicha'ab' lik kki'an kipatan chrij. Nim laj ajawinel ma Agripa, lik rumal uri i sujunik re i Dios le xaq ukub'ib'al ink'ux che, aj Judío kkikoj inmak wo'or.

Ester 8:11

Chupam i wuj le i ajawinel ma Asuero, xuya i taqanik chke aj Israel, chi pa jalajuj taq tinimit ipa je jeqel wi, chkimolo kib' chuto'ik kik'aslemal xaq chkikamsaxik, chuchupik kiwach i ajch'oj chkij, xaq chkik'ama kan ronojel ub'itaq ke i winaq re i jalajuj taq tinimit, komon, chi kki'an ch'oj chkij xaq chkikamsaj ni konojel ixoqib' junam ku' ak'alab'.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 8:7

Are uri ma Asuero chi ajawinel, xub'ij che ati ajawinel Ester, xaq che ma Mardoqueo chi aj Israel: Yin xinya i rachoch ma Amán che ati Ester, i ma Amán le, xintaq utzayb'axik che i jitz'b'al man rumal xuch'ob' kikamsaxik aj Israel.

1 Reyes 18:31

Xuk'am pan kab'lajuj ab'aj, chrij pacha kik'iyal kitzob'ajil i rak'al ma Jacob chi i Ajwal xuya pub'i Israel.

NÚMEROS 23:24

I tinimit le kwalij na xaq lik kxib'in na pacha jun koj, k'a ktiki ni chuchapik uti' xaq k'a ktiki ni chutz'ub'ik kikik'el ni'pa ktiki chkikamsaxik.

GÉNESIS 35:22

Are je o chik chila che i k'ijib'al le i ma Rubén xumin rib' ru' ati Bilha chi qas ti mer rixoqil uqajaw; i ma Israel are xretamaj lik xpe roywal. I ma Israel xeuk'uwalij kab'lajuj rak'al.

Santiágo 1:1

Yin in ma Santiago kintz'ib'aj i wuji; in rajchak i Dios xaq i Ajwal Jesucristo. Kinya rutzil iwach ix kab'lajuj tzob'ajil aj Israel winaq chi ix kichernaq b'i chwach ronojel i jyub' ta'aj.

ÉXODO 28:21

Rajwaxik chi je kab'lajuj ab'aj, man je kab'lajuj konojel i rak'al ma Israel, lik chwach i ab'aj le ktz'ib'ax wi kib'i.

GÉNESIS 49:27

I ma Benjamín keje pacha jun itzel laj utiw chi kutij uti' ksaqirik, xwiri are kqaj ij kuk'aq b'i ch'aqa taq chi utz ti chik. Xcha mam Jacob.

GÉNESIS 49:29

Xwi ta la ile, i mam Jacob xaq xuya jun taqanik chke i rak'al, xub'ij: “Yin ya kinkamik xwiri chinimuqu ku' watit inmam, chila chupam i jul chi o chupam rulew ma Efrón chi aj Het,

Deuteronomio 33:1

Chuxe'el ukamik ma Moisés, chi rajpatan i Dios, xuya kan utzil chomal pkiwi aj Israel ru' i tziji: