GÉNESIS 48:7 - Wuj Pa K'ubultzij

⁷ Yin are xinpe Padan-aram, i achuch xkam kan chila pa b'e che ulew Canaán, naqaj che i tinimit Efrata, chila xinmuq wi kanoq xukut b'e, chi wo'or, Belén ub'i.

GÉNESIS 48:7 Referans Kwoze

Mateo 2:18

Xtataj jun nim laj ch'awb'al pa tinimit Ramá, lik are jun nim laj o'ej re uk'axk'ol, nimaq taq uk'axk'ol k'uxij, are ixoq Raquel chi ko' chke i rak'al, xaq lik xraj taj chi kkub'sax uk'ux man i kak'al ya xekamik.

GÉNESIS 35:9

Are xtzalij b'i ma Jacob chila Padan-aram, I Dios xuk'ut chik rib' che xaq xuya utzil chomal puwi ru' i tziji:

Miqueas 5:2

Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”

1 Samuel 17:12

Che rajawinik ma Saúl, o jun achi pa Belén ma Isaí ub'i lik nim laj winaq chik. Ire le je o wajxaqib' uk'ojol, jun chke are a David.

1 Samuel 10:2

Wo'or are kat-ek keariq ni keb' achiyab' naqaj ipa xmuq wi ati Raquel, pa tinimit Selsa chi o prulew ma Benjamín. Ike le kkib'ij ni chawe chi je riqtal chik i atitab' axna chi je sachnaq te'eq, i aqajaw wo'or are ti chik kk'achir chke i atitab' axna le, ire are kk'achir chiwe yix xaq ktijin chuch'ob'ik wach taq itzukuxik ku'ano.

1 Samuel 1:1

Chila prulew ma Efraín che jun k'ijib'al chi Ramá ub'i, jeqel jun achi chi ukwenta ralk'uwal ma Zuf, chi ma Elcana ub'i. I ma Elcana le uk'ojol ma Jeroham ri umam mam Eliú. Uxikin mam Tohu chi uk'ojol kan mam Zuf, ike le je utzob'ajil ma Efraín.

GÉNESIS 25:20

I ma Isaac le kawinaq (40) junab' o che are xk'uli ru' al Rebeca, chi umi'al ma Betuel xaq ranab' ma Labán. I ma Betuel le aj Aram, aj pa tinimit Padan-aram.

GÉNESIS 33:18

I ma Jacob lik utz uwach are xupon chik chila pa tinimit Siquem, I Siquem le o chila chupam ulew Canaán, chila xjeqi wi chwach i tinimit Siquem, are xpe chila che i tinimit Padan-aram.

GÉNESIS 35:20

I ma Jacob xutik jun tak'tik ab'aj, chila puwi i etz rixoqil xutak'b'a uwach pacha jun aqan, i ab'aj le k'a o chila wo'or, ilb'al re ipa xmuq wi ati Raquel.

GÉNESIS 48:6

Ni'pa kak'uwalij chkijil chik ike le, je awe yet uri; xaq kya' ni kulew kumal i katz chi a Efraín xaq a Manasés.

1 Samuel 16:4

I ma Samuel xu'ano pacha xb'ix che rumal i Ajwal. Are xupon pa Belén, i je uwi kijolom i tinimit xe'el li chuk'ulaxik, xwiri lik xkixij kib' xaq xkitz'onoj che: —¿Ch'oj ti awach xatk'unik?