GÉNESIS 48:4 - Wuj Pa K'ubultzij

⁴ ru' i tziji: “Kin-an ni chawe chi katk'uwalinik, xaq kek'iyar ni amuq axikin, xaq kin-an ni chke amuq axikin le chi ke'on ni k'iyal taq tinimit, xwi ta la ile, xaq chke ike kinya wi kan ulewi ronojel ij saq.”

GÉNESIS 48:4 Referans Kwoze

GÉNESIS 17:8

Chawe yet xaq chke amuq axikin kinya wi ronojel ulew Canaán, are ulew ipa at jeqel wi wo'or, ile lik awe yet ronojel ij saq, xaq Yin na ki-Dios amuq axikin. —Keje ile xub'ij i Dios che mam Abraham.

GÉNESIS 35:11

Are uri i Dios xub'ij chik che: “Yin in Dios chi lik ronojel kintiki che, chatk'uwalinoq xaq chek'iyar ni amuq axikin. Lik chawe yet kel ni jun nim laj tinimit xaq k'iyal taq tinimit, xaq chkixol i amuq axikin le ke'el ni k'iyal taq ajawinelab'.

Deuteronomio 32:8

Are i jun, chi nim ucho'ab', xujach ulew chke i winaq, xaq chke i nimaq taq tinimit, xukoj mojon che uchi' i jalajuj taq tinimit, xaq i aj Israel xuya kan kuxtab'al chrij ni'pa kak'al olik.

ÉXODO 1:7

Xwiri i je aj Israel lik je k'i kak'al xaq xek'iyarik. Rumali chi lik o kicho'ab' lik xnoj uwach ronojel ulew Egipto ipa je o wi, rumal kik'iyal.

GÉNESIS 47:27

I aj Israel xejeqi chila Egipto che ulew Gosén; chila xek'uwalin wi xaq xek'iyar wi.

GÉNESIS 46:3

Are uri i Dios xub'ij che: —Yin in Dios, chi in u-Dios aqajaw; maxij awib' che i enam pa Egipto man chila kin-an ni jun nim laj tinimit chke amuq axikin.

GÉNESIS 32:12

Man yet ab'im chwe chi kin-el ni chisaq, xaq ka'an ni chke inmuq inxikin pacha uk'iyal i seneb' chuchi' i mar, chi mijun ktiki chrajlaxik.” Xcha.

GÉNESIS 28:3

I Dios chi ronojel ktiki che, chuya ni utzil chomal pawi, chu'ana ni chawe chi katk'uwalinik xaq i amuq axikin ke'on ni k'iyal taq tinimit.

GÉNESIS 26:4

Keink'iyarsaj ni amuq axikin pacha uk'iyal i ch'umil chwa taq kaj, xaq ronojel ulew le kinya ni chke. Xwi ta la ile, kumal i amuq axikin le kinya ni utzil chomal pkiwi konojel i tinimit chwach i jyub' ta'aj.

GÉNESIS 22:17

lik kinya ni utzil chomal pawi xaq lik keink'iyarsaj ni amuq axikin pacha uk'iyal i ch'umil chi o chwa taq kaj xaq pacha uk'iyal i seneb' chi o chi taq ya. Xaq i amuq axikin lik kekich'ak ni i je ajch'oj chkij.

GÉNESIS 17:13

Rajwaxik chi konojel koksax ni circuncisión le che kich'akul: Alaxel pa wachoch, xaq i je alo'om ru' amer, man keje ile i intrat le kkanaj ni che ich'akul ronojel ij saq.

GÉNESIS 12:2

Kin-an ni jun nim laj tinimit chke amuq axikin, kinya ni utzil chomal pawi; i ab'i xaipa na kkuxtax wi, xaq at utzil chomal na chke jub'an chik winaq.

ÉXODO 1:11

Are uri i je aj Egipto xekikoj taqanel pkiwi aj Israel chu'anik k'ax laj taq chak, xki'an keb' tinimit chi are: Pitón xaq i Ramesés, ile k'olb'al re i jalajuj taq tijawik re, re ma faraón.

LEVÍTICO 26:9

Yin lik kink'ut ni rutzil ink'ux chiwe xaq lik kin-an ni chiwe chi kixk'iyarik xaq lik kin-an na wach insujum chiwe.

Salmos 127:3

I qak'al chi kealaxik ile lik nim laj utzil chomal re i Ajwal.

GÉNESIS 17:6

Kin-an ni chawe chi lik katk'uwalinik, lik je k'i ni amuq axikin, xaq lik ke'on ni k'iyal taq tinimit, chkixol ike le kewinaqir ni k'iyal taq ajawinelab'.

Ezequiel 37:25

Kejeqi ni che i ulew chi xinya che wajpatan ma Jacob, xaq ipa xejeqi wi i katit kimam. Arewi chila kejeqi ni ike, i kak'al xaq konojel i kimuq kixikin; wajpatan ma David lik arewi are ire kaj-atzil.