GÉNESIS 47:30 - Wuj Pa K'ubultzij

³⁰ Are kin-e pa uxlanem ku' i watit inmam waral taj kinamuq wi pa Egipto, lik kinamuqu pa jul ipa je muqtal wi i watit inmam —xcha. I ma José xub'ij: —Lik kin-ano ta, pacha urayijb'al ak'ux —xcha.

GÉNESIS 47:30 Referans Kwoze

GÉNESIS 25:9

Je are rak'al chi ma Isaac xaq i ma Ismael xemuquw i kiqajaw chila chupam i pek Macpela, chi o naqaj che i Mamre, pa rulew ma Efrón chi uk'ojol mam Zohar aj Het.

GÉNESIS 23:19

Te'uri mam Abraham xumuq rixoqil chila pa jul, chupam ulew chi xulo' chila pa Macpela, naqaj che i Mamre, chi are i tinimit Hebrón chi o chila chupam ulew Canaán.

NEHEMÍAS 2:5

xaq xinb'ij che i ajawinel: —We kumaj awach, Nim laj Winaq, xaq we inriqom rutzil ak'ux, kintz'onoj uri chawe, Nim laj Winaq, chinataqa b'i pa Judá, chila pa tinimit ipa je muqtal wi inqajaw inchuch, man yin kinyijb'a ni'pa wulkrijnaq che.

NEHEMÍAS 2:3

xinb'ij che i ajawinel: —¡Arewi nim ni a'ij yet ajawinel! ¿B'uchak kinb'ison taj, kab'ij yet, i tinimit ipa je muqtal wi inqajaw inchuch lik wulkrijnaq xaq ni'pa i uchija xk'atsaxik?

1 Reyes 13:22

man xattzalij b'i chutijawik awa xaq chutu'ik aya' che i k'ijib'al chi xub'ij i Ajwal chawe chi ka'an taj, wo'or ach'akul kmuq ti chila ipa xemuq wi awatit amam.

2 Samuel 19:37

Puk'exel ile, chaya ni chwe, Nim laj Winaq, chi kintzalij chub'i pintinimit, man chila na kinkam wi xaq kinmuq ni chupam i jul ipa je muqtal wi inqajaw inchuch. Xwiri waral o jun chik awajchak chi are ink'ojol ma Quimam. Oj ni ire awu', Nim laj Winaq, xaq cha'ana che ire chrij pacha kumaj awach yet.

GÉNESIS 50:25

Te'uri xub'ij chke i rak'al chi kkikoj retalil che wach kub'ij ire chke: “Saq laj tzij, i Dios lik kixuto na, are kuk'ulmaj ile, yix kik'am nu b'i inb'aqil iwu'.” Xcha.

GÉNESIS 15:15

Xwiri yet lik utz rijab'ik ka'ano xaq lik utz amuqik k-anik are kat-e pa uxlanem ku' awatit amam.

GÉNESIS 23:17

Keje ukanajik rulew ma Efrón ile pu'ab' mam Abraham, i ulew le o chila pa Macpela, naqaj che i Mamre. Lik ronojel ulew xkanaj pu'ab' xaq i jul chi o chupam, xaq ronojel i che' chi o chwach ulew le.

GÉNESIS 25:10

I ulew ipa xmuq wi mam Abraham le are ulo'om kan ire chke i rak'al ma Het. Chila xmuq wi ru' etz rixoqil, chi tit Sara.

GÉNESIS 35:29

Ire lik rij chik rumali xkamik, x-e pa uxlanem ku' i ratit umam chi je kamnaq chik, xmuq kumal i keb' uk'ojol chi ma Esaú xaq i ma Jacob.

Deuteronomio 31:16

Are uri i Ajwal xub'ij che ma Moisés: Yet ya katkamik i winaqi xaqmanal ni ke'ok chu'anik, kkikoj ni ki'ij jub'an chik dios ke i winaq ipa kejeqi wi, are uri kinko'taj kanoq xaq kkiqel ni intrat chi in-anom ku'.

2 Samuel 2:32

Chrijil chik ile xkik'am b'i uch'akul ma Asael chila pa Belén xaq chila xmuq wi chupam i jul re uqajaw. Ma Joab xaq konojel uwinaq xeb'in jun a'ab', are xsaqirik xeupon pa Hebrón.