GÉNESIS 47:24 - Wuj Pa K'ubultzij

²⁴ Are ki'an i molonik ki'an jo'ob' mutzaj che, jun mutzaj kiya che ma faraón, i kajib' mutzaj chik iwe yix re kitij ku' iwak'al, ku' konojel i winaq chi je o iwu' ru' ja xaq kiwesaj iwija' ru' —xcha.

GÉNESIS 47:24 Referans Kwoze

GÉNESIS 41:34

Xwi ta la ile xaq rajwaxik keakoj aj-ok'al utzam pa taq tinimit re ronojel Egipto, man kkesaj jun koxtal che i jo'ob' koxtal re kimolonik i winaq chkijujunal are k-on utz uwach i tikon che i wuqub' junab' chi lik k-on utz.

Salmos 112:5

I winaq chi o ub'itaq re xaq utz uk'ux kuya i mer pa cha'im, xaq lik ru' utz laj rutzil uk'ux krok'aj utzam ronojel ni'pa i ub'itaq re.

Salmos 41:1

Utz re i jun chi kb'ison che uk'aslemal i nib'a'; man i Ajwal kuto ni pu'ijlal i k'ax.

LEVÍTICO 27:32

Kk'am jujun chke i lajuj taq chikop, xab'i chi chikopil lik kejach ni pu'ab' i Ajwal, pacha sipon lajuj.

GÉNESIS 47:25

Are uri aj Egipto xkib'ij che ma José: —Yet xato qak'aslemal, xaq lik nim rutzil ak'ux chqe, rumali ¡Lik oj umokom ni ma faraón! —Xecha.

GÉNESIS 47:23

Te'uri ma José xub'ij chke i winaq: —Wo'or, yix xaq iwulew re chik ma faraón man yin xixinlo'o. Riy ija oliki chitika chwach ulew.

GÉNESIS 14:20

xaq lik nim ni u'ij i Nim laj Dios, chi xeujach ajch'oj pa'ab'.” Xcha. I ma Abram xresaj usipon chi are i lajuj che i ch'akanik che ronojel ni'pa xuch'ako, xuya che mam Melquisedec.

GÉNESIS 14:21

Are uri i ajawinel re i Sodoma xub'ij che ma Abram: —Cheaya i winaq chwe yin, yet chak'ama i b'eyomal.

GÉNESIS 28:22

I ab'aj chi xintak'b'a uwach le, lik rachoch ni Dios; ronojel ni'pa kuya ire chwe, lik kwesaj ni insipon chi are i jun che i lajuj che i kinch'ako kinya che ire.” Xcha.

LEVÍTICO 27:30

Ronojel ni'pa kuya i ulew are kpe uwach ija ch'irajil, are kpe uwach i che' re i echa', kelsax jun che i lajuj, kjach ni pu'ab' i Ajwal man lik re ire.

NÚMEROS 18:21

xaq puk'exel kulew xaq i ub'itaq ke konojel aj Leví, kinya ni lajuj che i ch'akanik chi kkesaj aj Israel che ub'itaq ke chi rajwaxik kkisuj ni chwe Yin tojb'al re i patan chi kki'an pa ja re riqb'al ib' ru' i Dios.

Deuteronomio 14:22

Lik rajwaxik chi junab' junab' ronojel ni'pa uwach itikon chi kuya'o, kiwesaj ni jun che i lajuj chi kich'ako re kiya che i Ajwal.

Deuteronomio 26:12

Are kuriqa i urox junab' chi are i junab' le kya' i sipon lajuj che i ch'akanik re ronojel ni'pa utzil chomal chi kuya i Dios, xaq are awesam chik i sipon lajuj che i ch'akanik re ronojel uwach atikon, xaq are aya'om chik chke aj Leví, xaq chke aj naj chi je o pitinimit, chke i ak'alab' chi nti chik kiqajaw kichuch, ixoqib' malkanib', man kkitij ni ni'pa kkaj chila pitinimit.