GÉNESIS 47:19 - Wuj Pa K'ubultzij

¹⁹ ¿Xatab'a to' kojatzutza chi kojkamik? ¿Xatab'a to' kli'i b'i qulew? Chojalo'o yoj xaq i qulew puk'exel i qa-trigo, keje ile kojkanaj ni pu'ab' ma faraón junam ru' i qulew, xwiri chaya qija' man keje ile kojk'asi'ik xaq i ulew to' ti kli'i b'ik —xecha.

GÉNESIS 47:19 Referans Kwoze

Job 2:4

Xwiri i itzel, xub'ij che i Ajwal: —Xwiri we kyin ti uch'akul i jun che, ronojel lik utz u'anom. I winaq lik kuya ronojel ub'itaq re tob'al re uk'aslemal.

Lamentaciones 5:9

Kqatij uyej pqak'aslemal rumal uriqik jun qawa man lik o ch'oj pa tz'inilik jyub' chaqij.

Lamentaciones 5:6

Che i tinimit Egipto xaq che i tinimit Asiria xqatz'onoj utzil i xqaqajsaj qa'ij man keje ile i tinimit le kkiya chqe wach i kqatijo.

Lamentaciones 1:11

Konojel i uwinaq lik ke'o'ik, xaq lik ketijin chutzukuxik wach kkitijo; xkiya kib'eyomal chwach i kiwa re kkitijo re kek'asi na. ¡Ajwal, chawila pe intzaqik puyej! ¡Chawila tob'al inwach chupam i k'ax chi in o wi!

Mateo 16:26

Jun, ¿We kuch'ak ronojel i b'eyomal re uwach i jyub' ta'aj, xwiri we xa kusach uk'aslemal saqil? Lik nti uch'akom uri. ¿Wach utojik uri ku'an na, ch'akb'al re uk'aslemal saqil, we usachom?

GÉNESIS 47:15

Are xk'is kimer aj Egipto xaq aj Canaán, are uri aj Egipto le xe'e chukojik uch'ojil che ma José, xkib'ij che: —Chojatzuqu man xatab'a kojkam rumal numik xa rumal lik nti chik qamer —xecha.

GÉNESIS 47:18

Chukab' junab' xe'e chik ru' ma José, xkib'ij che: —Nim laj winaq kquwaj ti uwach chawe chi qonojel yoj nti chik qamer man konojel i jalajuj taq qachikop awe yet chik: Lik nti chik kqatojb'ej re qa-trigo xwi chik qulew xaq i yoj uri.

GÉNESIS 47:20

Are u'ankil uri ile chi ma José xulo' ronojel ulew Egipto re ma faraón; man konojel aj Egipto xkik'ayij kulew, rumal i nim laj wa'jal. Keje ukanajik ronojel ulew Egipto ile pu'ab' ma faraón.

GÉNESIS 41:36

I wa chi k'olanik le kuriq ni uchak chke aj Egipto che i wuqub' junab' wa'jal chi kpetik, man keje ile i winaq re i tinimit kekam ti rumal i wa'jal —Keje xub'ij a José ile che ma faraón.