GÉNESIS 47:17 - Wuj Pa K'ubultzij

¹⁷ Rumali aj Egipto xkik'am b'i jalajuj taq kichikop che ma José: Kikaway, kichikop, kichij xaq ki'axna; rumali ma José xuya ki-trigo konojel i winaq re jun junab' chwach i jalajuj taq kichikop.

GÉNESIS 47:17 Referans Kwoze

Mateo 6:24

Mijun ktiki che we je o keb' rajaw kchakun ku'. Man xa jun k'ax kuna'o, i jun chik tzel krilo. Xa jun, utz u'anik uchak ku'an ru'; i jun chik, qas ti utz uchak ku'an ru', we kiya iwib' chu'ankil uchak i Dios, xaq kiya iwib' chu'ankil chak re i b'eyomal, lik kixtiki ti che.

ISAÍAS 31:1

¡To' kiwach ike chi ke'e pa Egipto chutzukuxik kitob'al, ike chi kkikub'a kik'ux chke i kikaway, ike chi kkikub'a kik'ux chke i uk'iyal kich'ich', xaq jub'an chi kkikub'a kik'ux chke i kikaway chi lik je k'i, xwiri lik ketzalij ti ru' i Lo'laj Dios ke aj Israel, lik kkitzukuj ti Ajwal!

Job 2:4

Xwiri i itzel, xub'ij che i Ajwal: —Xwiri we kyin ti uch'akul i jun che, ronojel lik utz u'anom. I winaq lik kuya ronojel ub'itaq re tob'al re uk'aslemal.

1 Reyes 10:28

I kaway chi kk'am li che ma Salomón kepe chila pa tinimit Egipto, xaq pa Cilicia, man i rajlo'onel i ajawinel le chila keupon wi chulo'ik.

ÉXODO 9:3

Yin chi in Ajwal kinpetsaj ni jun nim laj yob'il pkiwi i jalajuj taq achikop chi je o pa taq es: Pkiwi akaway, a'axna, akamey, achikop xaq pkiwi achij.

GÉNESIS 47:16

Are uri ma José xub'ij chke: —We nti chik imer, chik'ama li uri jalajuj taq ichikop man kinya b'i trigo chwach —xcha.

GÉNESIS 47:18

Chukab' junab' xe'e chik ru' ma José, xkib'ij che: —Nim laj winaq kquwaj ti uwach chawe chi qonojel yoj nti chik qamer man konojel i jalajuj taq qachikop awe yet chik: Lik nti chik kqatojb'ej re qa-trigo xwi chik qulew xaq i yoj uri.