GÉNESIS 47:14 - Wuj Pa K'ubultzij

¹⁴ Ronojel i mer chi xumol ma José chwach i trigo chi xuk'ayij chke aj Egipto xaq chke aj Canaán, xeuk'olo pa nim laj ja re i ajawinel ma faraón.

GÉNESIS 47:14 Referans Kwoze

GÉNESIS 41:56

Are lik o chik i wa'jal chwach ronojel i jyub' ta'aj, are uri a José xujaq i k'olb'al trigo, k'ayb'al re chke aj Egipto.

1 Pédro 4:10

Qonojel yoj, yatal chik jun sipon chqe chqajujunal rumal i Dios. Ile yatal pqa'ab', tob'al ke i winaq, o uchak uri kqachakuj wach i yatal pqa'ab', tob'al ke. We keje kqa'an ile, oj utz laj taq ajchakib' uri ru' i sipon chi uya'om chqe.

1 Corintios 4:2

Xwiri, jun we yatal jun anik chuqul, o ni uchak chu'ana na lik pacha b'ital che rumal i rajaw uchak, k'utb'al re chi utz laj ajchak.

GÉNESIS 47:15

Are xk'is kimer aj Egipto xaq aj Canaán, are uri aj Egipto le xe'e chukojik uch'ojil che ma José, xkib'ij che: —Chojatzuqu man xatab'a kojkam rumal numik xa rumal lik nti chik qamer —xecha.

GÉNESIS 41:57

Xwi ta la ile, konojel i winaq chwach i jyub' ta'aj xeupon chulo'ik i trigo che a José chila Egipto, man lik mijun tinimit re uwach i jyub' ta'aj o ktijawik.

Proverbios 11:26

I jun chi kumol uchi' i trigo ru', re kuk'ayij are paqal rajil, xa kk'oqox ni uri kumal i winaq, xwiri i jun chi kuk'ayij pa rajil kya' ni utzil chomal puwi.