GÉNESIS 44:9 - Wuj Pa K'ubultzij

⁹ We xariq i tu'b'al ya le ru' jun chqe yoj chkamsax ni uri, xaq yoj lik kojkanaj uri chi oj amokom na ru' rajaw achak —xecha.

GÉNESIS 44:9 Referans Kwoze

GÉNESIS 31:32

Xwiri we xariq atiox ru' jun chke i je o waral, saq laj tzij i winaq le lik kkam na; lik chkiwach i qachalal chatzukuj wach i el-am li chawe, we xariqo chak'ama b'ik. I ma Jacob xub'ij ile man reta'am taj chi are ati Raquel el-awnaq li utiox ma Labán che.

Hechos 25:11

Yin, we o jun inmak in anom chi lik rajwaxik kinkamsax ni rumal, kinya wib' uri che i kamik; xwiri we ni'pa i kkib'ij le qatzij taj, mijun uri o pu'ab' chi kinujach pki'ab' ike. Rumali kintz'onoj che i ma César chu'ana i atb'al tzij pinwi —xcha i ma Pablo.

GÉNESIS 44:16

Are uri xub'ij ma Judá: —¿Kqariq taj wach kqab'ij chawe, nim laj winaq? ¿Wach uk'utik kqa'ano chi nti qamak? Man i Dios xu'aljinsaj qamak. Wo'or lik oj awajchak na junam ru' i jun chi xriqtaj i tu'b'al ya ru' —xcha.

GÉNESIS 43:18

Ike are xkilo chi xek'am b'i chi rachoch a José lik xe'ok il man xkib'ij chkiwach: —Wo'or kojk'am b'i chi rachoch rumal i mer chi xtzalijsax b'i chqe chupam qakoxtal are xojk'un nab'e mul, ile k-ab'ax ni chqij kb'ix ni chqe chi oj ili'om xaq kki'an kitaqon chqe junam ku' i qa'axna —xecha.

GÉNESIS 44:10

I aj-atzil ke i mokom xub'ij: —Utzi', k-antaj na pacha xib'ij le, xwiri xwi i jun chi kriqtaj i tu'b'al ya ru', kkanaj uri inmokom na, i jub'an chik kekanajik nti kimak —xcha.