GÉNESIS 44:13 - Wuj Pa K'ubultzij

¹³ Are uri ike le, xkiraqch'ij ki'u' k'utb'al re kib'is, te'uri chkijujunal xki'ansaj chub'i keqan chrij ki'axna, i xetzalij chub'i pa tinimit.

GÉNESIS 44:13 Referans Kwoze

2 Samuel 1:11

Are uri ma David xaq i achiyab' chi je o ru', xkiraqch'ij ki'u' k'utb'al re kib'is.

2 Samuel 13:19

xukoj chaj puja', xuraqch'ij i chom laj u'u' chi ukojom xaq xuya b'i u'ab' puja', lik ksik'in che o'ej x-ek.

2 Samuel 1:2

Xwiri che urox ij, xupon jun achi relik b'i chkixol uwinaq ma Saúl chila pa k'ijib'al ipa je o wi, uraqch'im u'u' xaq ukojom ulew puja' k'utb'al re chi kb'isonik. Are xupon chwach ma David xuqajsaj upalaj k'a chwach ulew k'utb'al re chi lik nim u'ij ma David.

NÚMEROS 14:6

Ma Josué chi uk'ojol ma Nun xaq ma Caleb chi uk'ojol ma Jefone, chi xeupon chrilik ulew, xkiraqch'ij ki'u' k'utb'al re kib'is,

GÉNESIS 44:4

K'amaja ne ke'e pan naj che i tinimit, are uri a José xub'ij che aj-atzil ke i mokom: —Jat, jeamaja i achiyab' chi k'a te xe'ek, are keamaja pa b'e, chab'ij i tziji chke: “¿B'uchak chi xi'an jun utz taj chwe chwach jun utz chi xin-an yin chiwe?

2 Reyes 11:14

Are uri xrilo chi tak'al i ajawinel chuk'ulel i raqan ja chrij pacha k-an chila prachoch i Ajwal. Chutzal je o wi i aj-atzil xaq i jutzob'aj chi ketijin pa ojmanik; konojel i winaq lik kekikotik kkixut'ij i trompeta. Are uri ati Atalía xuraqch'ij u'u' xaq xsik'in chub'ixkil: —¡Xinit'oro! ¡Xinit'oro!