GÉNESIS 42:9 - Wuj Pa K'ubultzij

⁹ Are uri a José xk'un chuk'ux wach i achik' chi u'anom chke, rumali xub'ij chke: —Saq laj tzij yix lik ix k'ak'alinel; xa xixk'un chutaqexik wach okik ki'an pa tinimit.

GÉNESIS 42:9 Referans Kwoze

ÉXODO 32:35

I Ajwal xuya li jun tojpen pkiwi aj Israel. Rumal xkikoj u'ij i me' chi xu'an ma Aarón.

Hebreos 11:31

Xaq i ixoq Rahab chi chwach uch'akul kuch'ak wi upwaq xu'aljinsaj ukub'ib'al uk'ux che i Dios. Ire xkam ti junam ku' i je qelqel laj taq winaq man ire lik ru' ronojel uk'ux xeuto i winaq chi to' je ajtaqenel aj Israel.

Lucas 20:20

Te'uri xekitaq b'i jub'an achiyab' ru' i Jesús kkik'amb'ej upam. Xekitaq b'i ru' pacha je utz laj taq winaq kkitz'onb'ej jub'an tzij che, xa tzaqsab'al re kki'ano. Kkaj ike kchap ni kumal i raqan u'ab' i atb'al tzij, xaq kjach ni pu'ab' i Aj-ok'al utzam i jalajuj taq i tinimit.

1 Samuel 26:4

Are uri i ma David le xeutaq b'i jub'an ajtaqenel chrilik ipa o wi chik ma Saúl.

Jueces 1:24

I ajk'ak'alinel le xkil jun achi chi relik li re pa tinimit, xkib'ij che: “We yet kab'ij chqe wach okik kqa'an pa tinimit, yoj lik kqil ni tob'al awach.”

JOSUÉ 6:23

Are uri i keb' achiyab' le, xekesaj li ati Rahab junam ku' uqajaw uchuch, ratz ucha', xaq i rachalal; konojel xekik'am b'i che jun k'ijib'al chi xib'in ib' taj naqaj che i kik'ijib'al i aj Israel.

JOSUÉ 2:1

I ma Josué chi uk'ojol ma Nun, are je o chila Sitim, ani'al xeutaq b'i keb' achiyab', xub'ij chke: “Jix chrilik ulew, wach u'anom, xaq i tinimit Jericó.” Xcha. Are xe'upon i ajtaqenel le pa tinimit Jericó, xe'ok chi rachoch ati Rahab, chila xkik'awsaj wi a'ab'; i ati Rahab le are jun ixoq chi kuch'ak umer chwach uch'akul.

NÚMEROS 13:2

“Chataqa b'i jub'an achiyab' chrilik i ulew Canaán chi kinya chke aj Israel. Chataqa b'i jun chke i jutaq tzob'aj xwiri are o kipatan chkixol.”

GÉNESIS 42:34

Xwiri are kixtzalij loq, chik'ama li icha' chwe, man keje ile kwetamaj na we ix k'ak'alinel taj, lik saq laj tzij uri chi ix utz laj taq winaq; te'uri kinya nu b'i iwatz chiwe, xaq kinya ni chiwe chi kixlo'onik xaq kixk'ayin che i tinimiti; keje ile xub'ij chqe —xecha.

GÉNESIS 42:16

Chitaqa b'i jun chiwe chuk'amik icha', ni'pa i jub'an kekanaj kan prexil. Keje ile kqetamaj we qatzij kib'ij, we qatzij taj lik pub'i ma faraón kinb'ij chiwe chi ¡Lik ix k'ak'alinel! —Xcha.

2 Samuel 10:3

i kaj-atzil aj Amón xkib'ij che ma Hanún chi aj-atzil: “¿Nim laj winaq, kakoj b'a yet ile chi ma David xeutaq li i achiyab' le chuya'ik ukowil ak'ux xaq chukojik taq u'ij etz aqajaw? ¡Ile xeutaq loq xa chuk'ak'alixik i qatinimit, man keje ile k-on panoq kkichup uwach chqe!”

GÉNESIS 37:11

I ratz ktitat kipam che, xwiri i uqajaw kch'ob'on chrij i achik' le.