GÉNESIS 42:37 - Wuj Pa K'ubultzij

³⁷ Xwiri ma Rubén xub'ij che uqajaw: Tat, yin kinya wib' chuk'amik li a Benjamín chawe. We xink'am ti chaloq, cheakamsaj uri i keb' ink'ojol —xcha.

GÉNESIS 42:37 Referans Kwoze

Miqueas 6:7

¿Kkikot nawi i Ajwal, we kinsujuj lajujwinaq kamo' (1,000) ral taq mama'ib' chij che? ¿Kkikot nawi ru' lajujwinaq kamo' (10,000) raqana re aceite? ¿Kkikot nawi we kinsujuj i wak'al atz che tojb'al re inqelanik xaq re inmak atzalal?

GÉNESIS 46:9

I rak'al ma Rubén je are: A Hanoc, a Falú, a Hezrón xaq i a Carmi.

GÉNESIS 43:9

Yin lik kwil i ala le chawe, xwiri we xink'am ti chaloq, lik yin uri in ajmak chawach ronojel ij saq.

GÉNESIS 42:36

Are uri ma Jacob xub'ij chke i rak'al: —Yix kixtijin b'i chkik'isik iwatz icha': A José xaq i a Simeón je nti chik qu', ¡Wo'or kiwaj kik'am chub'i a Benjamín! Ronojel is utz ti kin-el ru' —xcha kiqajaw.

GÉNESIS 42:38

Xwiri mam Jacob xub'ij chik: —Ink'ojol a Benjamín k-e ti iwu', man i ratz chi a José kamnaq chik, wo'or xwi chik ire le o wu'; we o tan chik keuk'ulmaj iwu' ipa kix-e wi, imak yix uri we kinukamsaj b'i b'is —xcha i kiqajaw.