GÉNESIS 42:24 - Wuj Pa K'ubultzij

²⁴ Are uri xel a José chkixol, xok che o'ej, are xik'aw i ro'ej xaq kuch'ij chik lapanik, x-e chik ku', xresaj a Simeón chkixol, xutaq uyut'ik chkiwach ike.

GÉNESIS 42:24 Referans Kwoze

GÉNESIS 43:30

Are uri a José juntir xel ku', man lik xuch'ij ti chik ro'ej rumal i k'axnab'al uk'ux che ucha', rumali xok b'i puwarb'al, chila xok wi che o'ej.

Hebreos 4:15

Are Ire, are jun atz laj rajpatan i Dios chi kril tob'al qawach, man reta'am xa oj winaq chi nti qas qacho'ab'. Xaq Ire ktzaqsax te'eq chupam i mak atzalal, pacha taq i tzaqsab'al chi kojik'aw wi yoj, xwiri, Ire nti jun umak xu'ano.

1 Corintios 12:26

We o k'ax che jun qaqan xaq we che jun qa'ab', lik ronojel i qach'akul kuna uk'axk'ol. Xaq keje ile, we xya' u'ij i qaqan o qa'ab', xaq lik kkikot uri ronojel i qach'akul.

Romanos 12:15

We jun kikotik, chixkikot ru'; we jun ko'ik, xaq chixo' yix ru'.

Lucas 19:41

I Jesús ku' i je teren chrij are xeupon chunaqaj i tinimit Jerusalén. Ire are xril i tinimit le, lik k'ax xuna uk'ux, xaq xo'ik.

ISAÍAS 63:9

che ronojel ni'pa i k'ax chi xkitijo. Are ti jun kitaqom b'i ike xetowik, lik are i Ajwal xupon chkito'ik. Are ire xeukiro rumal i k'axnab'al uk'ux xaq i rutzil uk'ux, xeuyako xaq xeu'aluj. Lik arewi keje ile u'anom.

GÉNESIS 43:23

Are uri i aj-atzil ke i rajchakib' a José xub'ij chke: —Mixij iwib', ile are i-Dios yix chi xaq ki-Dios iqajaw ichuch xyaw i mer le chupam ikoxtal; yin weta'am chi xink'am kan i mer chiwe chi xitojb'ej re i trigo —xcha. Te'uri i aj-atzil ke i rajchakib' a José xuk'am b'i a Simeón ku'.

GÉNESIS 43:14

I lo'laj Ajwal chu'ana ni che i achi le chi kril tob'al iwach keje ile kro'taj na li a Simeón xaq i a Benjamín man ketzalij chali iwu', xwiri we ketzalij ti chaloq, nti kin-an uri che, lik kintij ni uyej uri —xcha.

GÉNESIS 34:25

Churox ij are k'a k'ax je o konojel achiyab' rumal u'anik i circuncisión chke, are uri keb' chke uk'ojol ma Jacob, a Simeón xaq i a Leví chi je uxib'al al Dina, xkik'am b'i kich'ich' xe'e chkikamsaxik konojel achiyab' chila ipa je o wi pa tinimit, are lik nti kkich'ob' che.

GÉNESIS 42:23

Ike keta'am taj chi a José le kuta wach kkib'ij, man a José o jun aj-atsal utzij chkiwach pkich'ab'al aj Heber.

GÉNESIS 45:1

A José xuriq ti chik ruwaxik uwach chke i rachalal chi are ire kicha', rumali ko xub'ij chke i rajchak: “¡Chixel b'i chwaja iwonojel!” Are uri mijun chke i mokom xkanaj kan ru', are uri xusaqij chke i ratz chi are ire a José.

GÉNESIS 45:2

Are uri lik xsik'in che o'ej rumali xketamaj aj Egipto, xaq lik xupon utzijol k'a pa nim laj ja re i ajawinel ma faraón.