GÉNESIS 41:40 - Wuj Pa K'ubultzij

⁴⁰ Kkanaj ni i nim laj ja re i ajawinel pa'ab' xaq konojel i winaq kekojon ni chawe, xwi yin atz in-ij chawach yet man yin in ajawinel —xcha.

GÉNESIS 41:40 Referans Kwoze

Hechos 7:10

man xresaj pa jalajuj taq k'ax chi xutijo. Xuya unojb'al xaq xuya u'ij, rumali i ma faraón chi ajawinel re Egipto xuya ma José pa aj-ok'al utzam i jalajuj taq tinimit re Egipto xaq pa nim laj rachoch i ajawinel le.

Proverbios 22:29

I jun chi utz u'anik uchak ku'ano, lik ru' ajawinel uri kchakun wi, ru' ti taq jun winaq chi nti u'ij.

Daniel 5:29

Te'uri i ajawinel Belsasar xutaq ukojik u'u' a Daniel ru' i k'ul re kaqxar xaq kkikoj jun karena re an-o'oj chuqul, xaq xutaq ub'ixkil chke konojel, chi che i or le, a Daniel kya' ni urox k'ijib'al che re aj-ok'al utzam i ajawinik.

Daniel 6:3

chi lik juntir x-iltajik chi junwi chkiwach i jub'an chik ajk'ak'alinel xaq aj-ok'al utzam i k'ijib'al rumal ronojel ni'pa ktiki chu'anik; rumali i ajawinel xuch'ob'o chi kuya chwach i rok'axik utzam i tinimit.

GÉNESIS 45:26

Are xeuponik, xkib'ij che kiqajaw: “Ta, i a José k'a k'aslik, kamnaq taj, are ire o puwi ronojel ulew pa Egipto”; xecha. I ma Jacob laj xel uk'ux are xuta ile, xwiri xaq lik xukoj ti chke uk'ojol.

Job 31:27

xwiri mijuyak xinkoj ki'ij ani'al xaq mijuyak xintaq taq an kitz'ub'axik ru' in-ab'.

1 Samuel 10:1

Are uri ma Samuel xuk'am pan jun b'axo chi o aceite chupam, xujam puja' a Saúl, xutz'ub'aj te'uri xub'ij che: —I Ajwal katuya yet pa ajawinel puwi Israel chi utinimit. Yet ka'at ni tzij puwi xaq keato ni pki'ab' i ajch'oj chi je o chrij chwach. Iri are ni ilb'al re chi Ajwal xatuya pa ajawinel puwi utinimit:

GÉNESIS 39:9

Che i ja ri lik nti jun chik nim u'ij chinwach yin; i wajaw is uya'om chwe ronojel, xwiri uya'om ti chwe we kinmin taq wib' awu', man yet lik at rixoqil i wajaw le ¿Wach usuk' uri ile chi kin-an taq jun utz taj che i wajaw xaq kinmakun taqi chwach i Dios? —Xcha a José.

GÉNESIS 44:18

Are uri ma Judá xtejeb' pan ru' a José, xub'ij che: —Nim laj winaq, mpe awoywal chwe, kwaj yin kinlapan jub'i' awu' qatukel. Yet chwe yin lik at keje pacha ma faraón chi lik o a'ij.

Ester 3:1

X-on panoq, i ajawinel ma Asuero xu'ansaj an upatan ma Amán, chi uk'ojol ma Hamedata, chi umuq uxikin ma Agag, aj-atzil pkiwi aj-ok'al utzam i jalajuj taq tinimit.

Ester 10:3

I ma Mardoqueo, chi aj Israel, lik xnimar u'ij man upatan ire lik pacha taq re i ajawinel; lik x-on nim u'ij chkixol aj Israel xaq lik k'ax xna' kumal uwinaq man ire lik xu'an i utz chke xaq xu'ano chi o uxlanb'al k'uxij chkixol.