GÉNESIS 40:20 - Wuj Pa K'ubultzij

²⁰ Are xuriqa urox ij, i ma faraón le, xu'an jun nima'ij re ralaxik ire xaq xeusik'ij konojel i rajchakib' che i nima'ij le; chkiwach konojel i ajchakib' le xutaq b'i kelsaxik prexil i aj-atzil ke i ajya'ol uwa'al uva muqb'am xaq i aj-atzil ke i ajya'ol kaxlanwa.

GÉNESIS 40:20 Referans Kwoze

Mateo 14:6

Are xk'un i nima'ij re ma Herodes chi xtz'aqat chik jun junab' re uk'aslemal, xupon i ralit i ati Herodías, xxajaw chkiwach konojel i je sik'talik chi je o chila. I ma Herodes lik qus xrilo,

GÉNESIS 40:19

Pa oxib' ij panoq i ma faraón k-on ni atb'al tzij chawe are uri kutaq ni atzayb'axik che jun che', te'uri i tz'ikin kkitij nu b'i ati'lal —xcha.

GÉNESIS 40:13

Pa oxib' ij panoq i ma faraón k-on ni atb'al tzij chawe are uri kuya chik achak, xaq yet kaya chik uya' pu'ab' pacha ax ka'an wi te'eq are at ajya'ol uya'.

Marcos 6:21

I ati Herodías lik xrechb'ej i nima'ij chi xu'an ma Herodes re u'ij ire man xuk'is chik jun junab' uk'aslemal. Are uri chi xeusik'ij i je raqan u'ab', xaq i aj-atzil chke i achiyab' chi je yij che i ch'oj, xaq xeupon i nimaq kipatan re ronojel i jyub' Galilea.

2 Reyes 25:27

Xuk'ulmaj che i wuqlajuj juwinaq (37) junab' are xelsax b'i ma Joaquín chi ajawinel re i tinimit Judá pa cho'ab' chwach rulew, che i ij wuqub' juwinaq (27) re ik' kab'lajuj, xujeq ajawinik ma Evil-merodac pa tinimit Babilonia. I ajawinel le lik k'ax xuna ma Joaquín, rumali chi xresaj li prexil che i nab'e junab' re rajawinik.

Mateo 25:19

I rajaw chak xnajtinik; te'uri xk'un chik, xaq xok chi rajlaxik upwaq ku' umokom.

Job 3:1

K'isonik i ma Job xch'aw ut, xuk'oqoj i ij are xalaxik.

Ester 1:3

Che urox junab' rajawinik ma Asuero, chi ajawinel, xu'an jun nima'ij chke konojel ajpatanib', chke i ketow aj-atol tzij, chke aj-atzil chke achiyab' chi je yij che i ch'oj aj Persia, aj Media, chke aj-ok'al utzam jalajuj taq tinimit xaq aj-atzil chupam i tinimit,

GÉNESIS 21:8

I a Isaac nim chik are xmaj i tz'um che, lik che i ij are xmaj i tz'um che, i mam Abraham xu'an jun nim laj nima'ij.

Salmos 105:19

I utzij i Ajwal xuk'am upam a José, lik k'a x-antaj na pacha ub'im a José.

JEREMÍAS 52:31

Che i jo'ob' juwinaq (25) ij re i ik' kab'lajuj re i wuqlajuj juwinaq (37) junab' re relsaxik b'i ajawinel ma Joaquín pa Judá, xujeq ajawinik pa tinimit Babilonia i ajawinel Evil-merodac, chi lik xu'an utz che rib' ru' ma Joaquín, rumali xresaj li prexil,

1 Reyes 3:15

Are xk'un saq chwach ma Salomón, are uri xunab'ej chi xa xachik'ik. Are xupon pa Jerusalén, x-e chila chwach i lo'laj ukaxa i Ajwal chi o utrat chupam, xusujuj i porom sipon xaq jub'an chik sipon re chomb'al k'uxij. Chrijil chik ile xuya jun nim laj wa'im chke konojel i rajpatanib'.