GÉNESIS 40:19 - Wuj Pa K'ubultzij19 Pa oxib' ij panoq i ma faraón k-on ni atb'al tzij chawe are uri kutaq ni atzayb'axik che jun che', te'uri i tz'ikin kkitij nu b'i ati'lal —xcha. Gade chapit la |
Are uri ati Rizpa, umi'al ma Aja, xukoj u'u' as k'utb'al re ub'is, xaq xkotz'i puwi jun nim laj ab'aj, xaq x-e pa kotz'olem puwi. Chila xkanaj wi are xjeqan i molonik re i cebada k'a xqaj ni jab'. I ati Rizpa le pa'ij kuya ti chke i tz'ikin chi ketejeb' ku' i kich'akul i kamnaq, xaq cha'ab' kuya ti chke chikop aj pa taq es chi ketejeb'ik.
Xwiri wo'or i Ajwal katujach ni pin-ab', man lik wo'or tan katinkamsaj xaq kink'atzij b'i ajolom; xaq kich'akul i achiyab' aj Filistea chi je yij che i ch'oj kinya ni chke i tz'ikin aj chikaj xaq chke i jalajuj itzel taq chikop. Man keje ile konojel i winaq chwach i jyub' ta'aj kketamaj na chi o jun Dios pa Israel;