GÉNESIS 38:17 - Wuj Pa K'ubultzij

¹⁷ I ma Judá xub'ij che: —Kintaq li jun ral achab'at chke i je o wu'. Are uri ixoq xub'ij: —Utzi', xwiri chaya kan jun b'iroxik chwe tz'aqat kataq li chab'at le —xcha.

GÉNESIS 38:17 Referans Kwoze

Ezequiel 16:33

Konojel ixoqib' chi kki'an i ch'am taj ru' kich'akul lik kya' jun rajil chke; xwiri xa are ne yet kaya kisipon konojel i je awe ani'al ni'pa kkimin kib' awu' xaq lik xeatojo man keje ile kek'un awu' xaipa taq kepe wi re kolki'ana kimak awu'.

GÉNESIS 38:20

I ma Judá xutaq li ramiy chi aj Adulam chuya'ik i ral chab'at che ixoq chi xumin rib' ru', xaq kuk'amb'ej b'i te'eq re wach uya'om kan ire che; xwiri ixoq le xriqtaj ti chik,

Lucas 16:8

I rajaw chak xretamaj chi utz ti laj umokom, lik o uno'oj chu'anik i wach i kuch'ob'o, are elsam chik che uchak. I winaq chi to' je re uwach i jyub' ta'aj, lik je sik'aj chutzukuxik wach i rajwaxik che i kik'aslemal. Mas je sik'aj chkiwach i je re i Dios.

Proverbios 20:16

I jun chi kch'aw chrij jun ajk'as chi reta'am ti uwach, k-on panoq kmaj nu b'i uri u'u' che xaq ronojel i o ru'.

GÉNESIS 38:16

Are uri x-e pan ru' man reta'am taj we are i ralib', xaq xel uchi' che, xub'ij: —Chaya chwe chi kinmin wib' awu' —xcha. I ixoq le xub'ij che: —¿Wach kaya chwe we kinb'ij utz chawe?

GÉNESIS 38:18

Rumali ma Judá xutz'onoj che: —¿Wach kawaj kinya kan chawe? I ati Tamar xub'ij: —Chaya kan ab'aq chwe, alaso xaq i ach'amiy chi awok'am pa'ab' le. I ma Judá xuya'o wach i xtz'onox che, te'uri xumin rib' ru'; ixoq le lik xk'aqtaj kanoq.

Jueces 15:1

Are xik'aw keb' oxib' ik' xaq are ktijin umolik i trigo, are uri a Sansón le x-e chrilik rixoqil, rok'am b'i jun ral uchab'at. Are xuponik, xub'ij: —Kinok b'i pa ja chrilik wixoqil. Xwiri i uqajaw ali xuya ti che a Sansón chi kok b'i ru' umi'al pa ja.