GÉNESIS 38:16 - Wuj Pa K'ubultzij

¹⁶ Are uri x-e pan ru' man reta'am taj we are i ralib', xaq xel uchi' che, xub'ij: —Chaya chwe chi kinmin wib' awu' —xcha. I ixoq le xub'ij che: —¿Wach kaya chwe we kinb'ij utz chawe?

GÉNESIS 38:16 Referans Kwoze

1 Timotéo 6:10

Ile ke'eloq, urayijb'al uwach i pwaq are uxeb'al ni'pa taq utz taj. O jujun chi xa rumal kirayijb'al che i pwaq, kikanam kan i utz laj b'e, rumal ile k'i ni uyej kipetsam pkiwi.

Mateo 26:15

Xub'ij chke: —¿Ni'pa kiya chwe we kinjach i Jesús pi'ab'? —Xcha chke. Ike xkiya lajuj juwinaq (30) saqpwaq che.

2 Samuel 13:11

Xwiri al Tamar are xtejeb' pan chuya'ik i lejom wa re trigo che a Amnón, are uri ire xuchap pan che u'ab' xaq xub'ij che: Sa'aj wanab', chatkotz'ol wu'.

Ezequiel 16:33

Konojel ixoqib' chi kki'an i ch'am taj ru' kich'akul lik kya' jun rajil chke; xwiri xa are ne yet kaya kisipon konojel i je awe ani'al ni'pa kkimin kib' awu' xaq lik xeatojo man keje ile kek'un awu' xaipa taq kepe wi re kolki'ana kimak awu'.

Deuteronomio 23:18

Miya taq che jun winaq chi kuya jun usipon prachoch i Dios ru' i mer chi uch'akom chukojik u'ij jun chik dios, man ile lik kmuluw uk'ux i Ajwal Dios che.

GÉNESIS 38:15

I ma Judá are xril ixoq le chi uch'uqum upalaj, xuch'ob'o chi ile are jun ixoq chi chwach uch'akul kuch'ak wi umer.

GÉNESIS 38:17

I ma Judá xub'ij che: —Kintaq li jun ral achab'at chke i je o wu'. Are uri ixoq xub'ij: —Utzi', xwiri chaya kan jun b'iroxik chwe tz'aqat kataq li chab'at le —xcha.