GÉNESIS 35:7 - Wuj Pa K'ubultzij

⁷ Are xeupon chila i ma Jacob xuyijb'a jun sujb'al sipon xaq xuya pub'i i k'ijib'al le, El-Bet-el. Man chila xuk'ut wi rib' i Dios che are x-anmaj chwach i ratz chi ma Esaú.

GÉNESIS 35:7 Referans Kwoze

GÉNESIS 35:3

jo pa Bet-el, man kin-an jun sujb'al sipon chila re i Dios chi xinuto are in o te'eq chwach i kamik, man xaipa lik in rachnimam che inb'e —xcha.

GÉNESIS 35:1

I Dios xub'ij che ma Jacob: “Chayijb'a awib', man kat-ejeqi pa Bet-el. Chk'un chak'ux chi Yin xink'ut wib' chawe chila pa Bet-el are xat-anmaj chwach awatz ma Esaú, rumali cha'ana jun sujb'al sipon chila we Yin.” Xcha.

GÉNESIS 28:13

xaq xrachik'aj chi i Ajwal o li puwi i yoch chi xaq xub'ij i tziji che: “Yin in Kajwal xaq in ki-Dios amam mam Abraham xaq aqajaw mam Isaac. Chawe yet xaq chke amuq axikin kinya wi ulew le ipa at kotz'ol wi.

Ezequiel 48:35

Ronojel i unimal i tapial o mas chekeb' lew che unajtil raqan, ub'i i tinimit che i ij le are ni iri: “I Ajwal o chi.”

Jueces 6:24

Are uri ma Gedeón xuyijb'a jun sujb'al sipon chila kojb'al u'ij i Ajwal xaq xuya pub'i “Ajwal are chomb'al ib'”. I sujb'al sipon le k'a o chila pa tinimit Ofra ipa je o wi i ralk'uwal ma Abiezer.

ÉXODO 17:15

Are uri ma Moisés juntir xuyijb'a jun sujb'al sipon chi xuya pub'i: Ajwal are pacha ink'ul chi kuk'ut u'ij jun tzob'aj.

GÉNESIS 28:22

I ab'aj chi xintak'b'a uwach le, lik rachoch ni Dios; ronojel ni'pa kuya ire chwe, lik kwesaj ni insipon chi are i jun che i lajuj che i kinch'ako kinya che ire.” Xcha.

GÉNESIS 28:19

Che i k'ijib'al le o jun tinimit chi Luz te'eq ub'i xwiri ma Jacob xujalwachij ub'i i tinimit le xuya pub'i Bet-el.

GÉNESIS 12:7

I Ajwal chila xuk'ut wi rib' che ma Abram xaq xub'ij che: “Chke amuq axikin kinya wi ulewi.” Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.

GÉNESIS 12:8

Relik chila x-e chik chijyub' prelb'al ij che ulew Bet-el, are xuponik xuyijb'a umujb'al chila; i Bet-el le xkanaj puqajb'al ij che, xaq i ulew Hai xkanaj prelb'al ij che, xaq xuyijb'a chik jun sujb'al sipon chila re i Ajwal; xaq xukuxtaj xunataj ub'i i Ajwal.

GÉNESIS 28:10

Are uri ma Jacob xel chila pa Beerseba, xumaj b'i i b'e chi k-e pa Harán.

GÉNESIS 28:17

Lik uxim rib', xub'ij chik i tziji: “Lik b'isb'al i k'ijib'ali, iri lik rachoch i Dios xaq uchi' i kaj.” Xcha.

GÉNESIS 29:1

I ma Jacob xumaj chub'i ub'e x-e che ulew ke i winaq aj prelb'al ij.

GÉNESIS 31:13

Yin in Dios chi xink'ut wib' chawe chila pa tinimit Bet-el, ipa xajam wi aceite puwi ab'aj tak'tik, chi xaq chila xa'an wi jun sujunik chwe. Wo'or ut chatel che i ulewi, jat che ulew ipa at alaxnaq wi.” Keje ile xub'ij i ángel chwe.

GÉNESIS 35:15

I ma Jacob xuya pub'i i k'ijib'al le ipa xlapan wi Dios ru', Bet-el.