GÉNESIS 35:5 - Wuj Pa K'ubultzij

⁵ Are xe'el ike chila, mijun chke i winaq xterej b'i chu'anik ch'oj chkij i rak'al ma Jacob, man i Dios xu'an chke i winaq chi je o chwach i tinimit le lik xkixij kib'.

GÉNESIS 35:5 Referans Kwoze

ÉXODO 23:27

Xab'i chi tinimital ipa katik'aw wi kin-an ni chke ajch'oj chawij chi kkixij ni kib' chawe, ksach ni kino'oj xaq ke'anmaj ni chawach.

SEGUNDO LIBRO DE CR%D3NICAS 17:10

Keje uri ile chi konojel i ajawinelab' chi je o chrij chwach i tinimit Judá, lik xkixij kib' che i Ajwal, rumali lik xki'an ti kowil u'anik ch'oj chrij ma Josafat.

Salmos 14:5

kesiksat ni rumal kixib'rikil, xwiri i Dios o ku' ni'pa i kekojon che.

JOSUÉ 5:1

Konojel i ajawinelab' chi je aj Hamor chi je o puqajb'al ij che i raqana Jordán, xaq konojel i ajawinelab' aj Canaán chi je o naqaj che i mar Mediterráneo, are xketamaj chi Ajwal xuchaqijsaj i raqana Jordán re ki'axb'al i aj Israel, lik laj xel kik'ux, xaq laj x-e kuxlab' xaq xkitak'b'a ti chik kib' chwach i ch'oj.

Deuteronomio 11:25

Mijun tinimit kuch'ij taq u'anik ch'oj iwu' man Iwajwal Dios kuya ni xib'rikil pkiwi konojel i winaq pa jalajuj taq tinimit ipa kixik'aw wi, chrij pacha ub'im i Ajwal chiwe.

ÉXODO 34:24

Are kix-e che urox mul chwach i Ajwal Dios, mijun kurayij taq uwach iwulew xaq mijun kch'ojin taq iwu', man i Awajwal Dios keresaj nu b'i konojel i jalajuj taq tinimit xaq kunimarsaj ni uwach awulew.

SEGUNDO LIBRO DE CR%D3NICAS 14:14

Chrijil chik ile xe'e chu'anik ch'oj chkij i jalajuj taq tinimit chi je o chrij chwach i Gerar, konojel i winaq chi je o pa tinimit le lik xkixij kib' che i Ajwal. I aj Judá xkik'am kan ronojel i jalajuj taq b'eyomal chi o pa taq tinimit le.

1 Samuel 14:15

Konojel aj Filistea chi je o chupam i k'ijib'al ipa kimolom wi kib', xaq i jub'an chik chi je o chrij, lik xkixij kib'. Xwi ta la ile xaq xkixij kib' i jumutzaj chi je yij che i ch'oj chi k'a naj je o wi che i k'ijib'al. Xaq keje i jub'an chi je tejeb'naq pan pa kulew aj Israel. Xwi ta la ile xaq xpe jun nim laj kab'raqan chi xupetsaj jun nim laj xib'rikil chke konojel.

1 Samuel 11:7

Are uri xeuk'am pan keb' b'oyexab' xu'an ch'aqa taq chke te'uri xutaq b'i uk'utik pa ronojel taq tinimit Israel, i ajb'il tzij keje iri kkib'ij chke i winaq: “Lik keje iri k-ani chke kib'oyexab' ni'pa kkiya ti kiwach ru' a Saúl xaq ru' ma Samuel.” Are uri xpe jun nim laj xib'rikil chke konojel i winaq rumali juntir xkiya kiwach ku'.

GÉNESIS 34:30

Are xril ma Jacob chi xeupon uk'ojol chi a Simeón xaq i a Leví kok'am b'i jalajuj taq chikop, ixoqib' xaq i ak'alab' are uri xub'ij chke: —Yix xinimin chupam jun nim laj ch'oj, wo'or i aj Canaán xaq i aj Ferez chi je jeqel waral kpe ni titat kipam chwe. We xkimol li kib' ike chwij re kamsab'al we, lik kinkikamsaj ni uri yin xaq konojel i walk'uwal, man yin je k'i ti inwinaq —xcha.

GÉNESIS 35:4

Are u'ankil uri chi xkijach ronojel ni'pa i jalajuj taq tiox che ma Jacob xaq i arit chi o che kixikin, te'uri ma Jacob le x-e chumuqik chuxe' jun sik'al chi o naqaj che i Siquem.

Deuteronomio 2:25

Lik che i iji kin-an ni chke konojel i tinimit chwach i jyub' ta'aj chi lik kkixij ni kib' chiwe. Xaq are kkita chi kixlapik, lik keb'arb'at ni rumal kixib'rikil xaq kechap ni rumal jun nim laj b'is.”

Salmos 105:14

i Dios lik mijun xuya che chi kuqajsaj u'ij ru' k'ax laj taq tzij chrij utinimit, kumal ike xuya utojb'alil chke i ajawinelab' xaq xub'ij chke:

SEGUNDO LIBRO DE CR%D3NICAS 14:13

Xwiri ma Asa junam ku' uwinaq xeterej b'i chkij k'a chila pa Gerar, chila xekamsax wi konojel aj Etiopía, lik mijun xk'asi kanoq man konojel xkichup kiwach chwach i Ajwal xaq chkiwach i achiyab' chi je yij che i ch'oj, are uri chi konojel achiyab' chi je yij che i ch'oj le xkik'am kan ronojel i jalajuj taq b'iroxik chi ke te'eq i ajch'oj chkij.