GÉNESIS 35:16 - Wuj Pa K'ubultzij

¹⁶ Te'uri xe'el chik chila pa Bet-el, xe'e pa Efrata, are k'amaja keuponik xchaptaj ati Raquel pa b'e man ire rax winaq, chila xalax wi rak'al, lik k'ax utzirik xu'ano.

GÉNESIS 35:16 Referans Kwoze

Miqueas 5:2

Xwiri yet, Belén Efrata, at ch'utin chkixol i lemajil re Judá, chawe yet kel ni jun aj-ok'al utzam re i tinimit Israel chi kpe che jun alk'uwalxel re ujer.”

Mateo 2:18

Xtataj jun nim laj ch'awb'al pa tinimit Ramá, lik are jun nim laj o'ej re uk'axk'ol, nimaq taq uk'axk'ol k'uxij, are ixoq Raquel chi ko' chke i rak'al, xaq lik xraj taj chi kkub'sax uk'ux man i kak'al ya xekamik.

GÉNESIS 48:7

Yin are xinpe Padan-aram, i achuch xkam kan chila pa b'e che ulew Canaán, naqaj che i tinimit Efrata, chila xinmuq wi kanoq xukut b'e, chi wo'or, Belén ub'i.

1 Timotéo 2:15

Xwiri i ixoq kuriq ni utotajik rumal uk'itsaxik rak'al, xaq we lik o ukub'ib'al uk'ux che i Dios, we o uk'axnab'al uk'ux chke i winaq xaq we ch'am xaq we o uno'oj uk'ux chwach i Dios.

Mateo 2:16

I mam Herodes, are xunab'ej chi xt'or kan kumal i nimaq kino'oj, lik xpe roywal chke. Rumal uri, xutaq kikamsaxik konojel i ral taq alab'om chi k'amaja kkichap keb' junab', chi je jeqel pa tinimit Belén, xaq che ronojel i jyub' chrij chwach. Keje ile chrij pacha i ij chi xkib'ij i nimaq kino'oj.

Mateo 2:1

Are xalax i Jesús pa tinimit Belén re i jyub' Judea, i ajawinel are i mam Herodes. I mam le o pupatan pa tinimit Jerusalén; je o jub'an nimaq kino'oj, je petnaq k'a naj prelb'al ij.

Salmos 132:6

Chila pa Efrata, xqata utzijoxik i kaxa re utrat i Dios, are uri xeqariqa che ulew Jaar.

PRIMER LIBRO DE CR%D3NICAS 2:19

Are xkam ati Azuba, ma Caleb xk'uli ru' ati Efrata, xalax jun rak'al ru' ixoq le chi xkiya pub'i ma Hur.

2 Reyes 5:19

Ma Eliseo xub'ij che: —Jat, lik matk'achirik. Are uri ma Naamán xel chila che i k'ijib'al le, are naj chik jub'i' o wi,

GÉNESIS 35:19

Keje ukamik ati Raquel ile, xmuq kan chila pa b'e chi k-e pa Efrata chi wo'or are i Belén.

GÉNESIS 3:16

Te'uri xub'ij che ixoq: —Saq laj tzij, kintz'ab'ij ni uk'axk'ol atujanik, ru' uk'axk'ol keawalaj ni awak'al; xwiri tupu lik katij uk'axk'ol le, lik kamayij ti urayixik awachijil, xaq are ire krajawin ni pawi.

Rut 4:11

I je unimaqil re i tinimit xaq konojel ni'pa je o chila xkib'ij: —Qatzij, xqilo xaq xqata. I ixoq le chi kok chi awachoch i Ajwal chu'ana ni che pacha ati Raquel xaq ati Lea, chi junam xojkiwinaqirsaj yoj chi oj aj Israel, xaq chu'ana ni chawe yet chi lik nim a'ij pa Efrata, chi xaq lik ketamax ni awach pa Belén.

1 Samuel 4:20

I parterab' chi aj-ilol re ixoq le, are xkilo chi ktijin chik ukamik, xkib'ij che: “Maxij awib' man xk'iji jun awalab'”; xecha. Xwiri ire xula' ti uwach xaq xukoj ti retalil.

1 Samuel 10:2

Wo'or are kat-ek keariq ni keb' achiyab' naqaj ipa xmuq wi ati Raquel, pa tinimit Selsa chi o prulew ma Benjamín. Ike le kkib'ij ni chawe chi je riqtal chik i atitab' axna chi je sachnaq te'eq, i aqajaw wo'or are ti chik kk'achir chke i atitab' axna le, ire are kk'achir chiwe yix xaq ktijin chuch'ob'ik wach taq itzukuxik ku'ano.