GÉNESIS 35:1 - Wuj Pa K'ubultzij

¹ I Dios xub'ij che ma Jacob: “Chayijb'a awib', man kat-ejeqi pa Bet-el. Chk'un chak'ux chi Yin xink'ut wib' chawe chila pa Bet-el are xat-anmaj chwach awatz ma Esaú, rumali cha'ana jun sujb'al sipon chila we Yin.” Xcha.

GÉNESIS 35:1 Referans Kwoze

GÉNESIS 31:13

Yin in Dios chi xink'ut wib' chawe chila pa tinimit Bet-el, ipa xajam wi aceite puwi ab'aj tak'tik, chi xaq chila xa'an wi jun sujunik chwe. Wo'or ut chatel che i ulewi, jat che ulew ipa at alaxnaq wi.” Keje ile xub'ij i ángel chwe.

Oseas 12:4

Xkichap kib' pa cho'ab' ru' jun ángel, i ma Jacob xch'akanik; xo'ik i xutz'onoj che i ángel chi chrila tob'al uwach. I Dios xuriq pa Betel xaq xlapan ru' chila.

Salmos 91:15

Are kinusik'ij, Yin kinla' ni uwach che; ¡Yin lik kink'iji ni ru' ire! Kwesaj ni pa b'is xaq te'uri kin-an ni che chi knimar u'ij.

Deuteronomio 32:36

I Ajwal keuto ni utinimit, are krilo chi nti chik kicho'ab', i Ajwal kril ni tob'al kiwach i rajpatan, are krilo chi nti chik kicho'ab', xaq lik mijun chik kukowij uwach chke.

GÉNESIS 35:7

Are xeupon chila i ma Jacob xuyijb'a jun sujb'al sipon xaq xuya pub'i i k'ijib'al le, El-Bet-el. Man chila xuk'ut wi rib' i Dios che are x-anmaj chwach i ratz chi ma Esaú.

GÉNESIS 31:3

Are uri i Ajwal xub'ij che ma Jacob: “Chattzalij chub'i pkulew aqajaw achuch, ipa je o wi awachalal, man Yin lik in o awu'.” Xcha.

Salmos 47:4

Ire u'ulum chik i sipon chi kuya chqe pacha jun kuxtab'al re, yab'al re u'ij ma Jacob, chi lik k'ax xuna'o.

ÉXODO 2:15

Are xuta ma faraón wach xu'an a Moisés, chi xukamsaj jun aj Egipto are uri xutaq utzukuxik re ukamsaxik, xwiri i a Moisés x-anmaj chwach ma faraón, x-e che ulew Madián; are ktijin ruponik xuxlan jub'i' chuchi' jun k'otom,

GÉNESIS 22:14

Rumali mam Abraham xuya pub'i i k'ijib'al le: “DIOS KYAWIK”, xaq k'a are kb'ix che “wo'or chi puwi i jyub' i Ajwal kuya'o wach i rajwaxik”.

GÉNESIS 16:8

Are uri i ángel le xutz'onoj che: —Ati Agar, chi at rajke'el tit Sarai, ¿Wach taq ka'an chi, xaq ipa kat-e wi? I ati Agar xub'ij: —Kin-anmaj chwach tit Sarai, chi rajaw inchak —xcha.

GÉNESIS 12:8

Relik chila x-e chik chijyub' prelb'al ij che ulew Bet-el, are xuponik xuyijb'a umujb'al chila; i Bet-el le xkanaj puqajb'al ij che, xaq i ulew Hai xkanaj prelb'al ij che, xaq xuyijb'a chik jun sujb'al sipon chila re i Ajwal; xaq xukuxtaj xunataj ub'i i Ajwal.

NAHUM 1:15

¡Chiwila pe'! ¡Ya kk'un chwi taq jyub' i ajb'il utzijol i tzij re chomb'al ib'! Cha'ana anima'ij Judá; cha'ana wach asujum. Lik mitjulaj chik katkich'ak ni itzel laj taq winaq; man lik konojel xsachsax kiwach.

Salmos 46:1

I Dios are tol qe xaq are qacho'ab'; are Ire kojtowik are oj o pa k'ax.

GÉNESIS 34:31

Xwiri ike xkib'ij: —¿Xatab'a to' keje ile kqa'an che man ire xu'an che i qanab' chi pacha taq jun ixoq chi chwach uch'akul kuch'ak wi umer? —Xecha.

1 Samuel 10:3

K'a jela pan jub'i' are katupon chila ipa o wi uche'lal sik'al chila pa Tabor kik'ulaj ni iwib' ku' oxib' achiyab' chi enam ke pa Betel chukojik u'ij i Dios. Jun chke ike le rok'am b'i oxib' mama'ib' chab'at, jun chik rok'am b'i oxib' lejom wa re trigo xaq i jun chik rok'am b'i jun tz'um nojnaq che uwa'al uva muqb'am.

GÉNESIS 29:1

I ma Jacob xumaj chub'i ub'e x-e che ulew ke i winaq aj prelb'al ij.

GÉNESIS 35:15

I ma Jacob xuya pub'i i k'ijib'al le ipa xlapan wi Dios ru', Bet-el.