GÉNESIS 34:26 - Wuj Pa K'ubultzij

²⁶ Lik ru' uware ch'ich' xkikamsaj ma Hamor junam ru' uk'ojol chi a Siquem, te'uri xkesaj li kanab' al Dina prachoch a Siquem, xkik'am b'ik.

GÉNESIS 34:26 Referans Kwoze

ISAÍAS 31:8

I tinimit Asiria ktzaq ni ru' uware ch'ich', xwiri ru' ti ucho'ab' i winaq. I ch'oj ku'an na chi ke'anmaj b'i uwinaq xaq i alab'om chi je yij che i ch'oj k-ani ni taqon chke.

2 Samuel 2:26

Are uri ma Abner xsik'in chub'ixkil che ma Joab: —¿Kamayij ti b'ari i kamsanik? ¿Kawil ti b'a ub'e, chi ronojel ni'pa ile xa b'is kuya chqe? ¿Junpa nawi kab'ij chke awinaq chi ke'uxlan chkoqtaxik i katz kicha'?

Deuteronomio 32:42

Inch'ab' lik keinmub'a ni chupam i kik', inch'ich' lik kuk'is ni kiwach ajch'oj chwij, are kikik'el ajprex xaq kikik'el ajch'oj; kikik'el i kaj-atzil ajch'oj chi lik nimaq kiwi.

Lucas 21:24

O ni jujun kekamsax ni ru' ch'ich' chi k'ulala o uware; i jub'an chik kek'am nu b'i prexil, pa nimaq taq tinimit. I tinimit Jerusalén kqajsax ni u'ij kumal i ne te aj Israel winaq. Keje kki'an ile k'a kk'is ni ij chi yatal chke.

GÉNESIS 34:25

Churox ij are k'a k'ax je o konojel achiyab' rumal u'anik i circuncisión chke, are uri keb' chke uk'ojol ma Jacob, a Simeón xaq i a Leví chi je uxib'al al Dina, xkik'am b'i kich'ich' xe'e chkikamsaxik konojel achiyab' chila ipa je o wi pa tinimit, are lik nti kkich'ob' che.

GÉNESIS 34:27

Are uri i jub'an chik uk'ojol ma Jacob juntir xe'e la pa tinimit, xeik'aw pkiwi i kamnaq xkik'am b'i ronojel ni'pa o pa tinimit, elsab'al koywal man rumal xqajsax u'ij i kanab'.