GÉNESIS 34:2 - Wuj Pa K'ubultzij

² I a Siquem chi uk'ojol ma Hamor chi aj Jiw ire le are aj-atzil re i tinimit, are xril uwach al Dina xuchap pa cho'ab' rumali xuqajsaj u'ij,

GÉNESIS 34:2 Referans Kwoze

Job 31:9

We enaq ink'ux che jun ixoq chi kusujuj rib' chwe, xaq we ink'ak'alim i rixoqil i wachalal che,

Mateo 5:28

Xwiri, yin kinb'ij ni usuk' chiwe: We o jun lik kutaqej jun ixoq, man kurayij uwach, xe'el uri puk'ux chi ya xmakun ru'.

Proverbios 13:20

Jun we kerachi'ilaj i o kino'oj, kuriq ni uri uno'oj, xwiri i jun we kerachi'ilaj i je b'uy laj taq winaq, ktzaq ni uri chupam i utz taj.

Job 31:1

Yin lik arewi inb'im chi kinrayij ti uwach jun ali.

Jueces 14:1

Xuk'ulmaj jun ij chi a Sansón x-e pa tinimit Timnat, chila xril wi uwach jun ali aj Filistea chi lik x-e uk'ux che.

2 Samuel 11:2

Che jun uqajb'al ij, i ma David xwalij b'i chwi uch'at, x-e pa malkatik puwi i nim laj rachoch ire. Are uri xril jun chom laj ixoq chi ktijin chatinem. I ma David xutaq utz'onoxik pachin taq ixoq le, are uri xb'ix che chi are ati Betsabé, chi umi'al ma Eliam, chi xaq rixoqil ma Urías chi aj Het. Ati Betsabé k'a te kujos-ij rib' man xk'is rik'il; are uri ma David xeutaq b'i jub'an achiyab' chuk'amik ati Betsabé, are xuponik, xumin rib' ru', chrijil chik ile, te'uri ixoq le x-e chi rachoch.

Deuteronomio 22:29

are uri i achi le kuya ni lajuj kawinaq (50) saqpwaq che uqajaw uchuch i ali le. Xaq rumal xuqajsaj u'ij i ali le, lik kk'uli ni uri ru' ronojel ij saq, i lik kujach taj.

Deuteronomio 22:24

chekeb' uri kek'am b'i chwach i atb'al tzij re i tinimit, man chila kekamsax wi che ab'aj. I ali kkam na rumal xutz'onoj ti utob'al chke i winaq pa tinimit, xaq keje ile k-an che i achi rumal xuqajsaj u'ij rixoqil rach lok'anij. Keje ile kiwesaj i utz taj chi o chixol yix.

Deuteronomio 21:14

Xwiri we k-on panoq we kumaj ti chik uwach, utz uri chi kro'taj b'ik, xwiri kuk'ayij taj xaq ku'an ti che chi pacha winaq chi o pa k'ax pu'ab' i rajaw, man xuqajsaj u'ij.

GÉNESIS 33:19

Te'uri ru' jo'winaq (100) saqpwaq, xulo' jub'i' rulew chke i rak'al ma Hamor chi uqajaw ma Siquem, chila xu'an wi jun rachoch,

GÉNESIS 20:2

i mam Abraham xub'ij chi tit Sara chi rixoqil xa ranab', rumali ma Abimelec chi ajawinel re i tinimit Gerar xutaq uk'amik tit Sara man ku'an rixoqil che.

GÉNESIS 10:17

aj Jiw, aj Arac, aj Sin,

GÉNESIS 6:2

i je rak'al i Dios xkilo chi je chomiq taq altom i kak'al i to' winaq le, rumali xe'ok chu'ulik chkixol konojel i altom le, pachin taq kumaj kiwach chke, xaq xek'uli ku'.

GÉNESIS 34:3

xwiri xaq lik x-e uk'ux che, rumali xutzukuj wach rokik utzij puk'ux i ali le.

GÉNESIS 34:30

Are xril ma Jacob chi xeupon uk'ojol chi a Simeón xaq i a Leví kok'am b'i jalajuj taq chikop, ixoqib' xaq i ak'alab' are uri xub'ij chke: —Yix xinimin chupam jun nim laj ch'oj, wo'or i aj Canaán xaq i aj Ferez chi je jeqel waral kpe ni titat kipam chwe. We xkimol li kib' ike chwij re kamsab'al we, lik kinkikamsaj ni uri yin xaq konojel i walk'uwal, man yin je k'i ti inwinaq —xcha.

Jueces 9:28

Are uri ma Gaal xub'ij: “¿Wach taq wa u'ij ma Abimelec le xcha? ¿Are ti b'awa rak'al ma Jerobaal ile, xaq are ti b'awa ma Zebul tol re? Yoj chi oj aj Siquem ¿B'uchak chi oj o pa k'ax pu'ab' ire? Nti k-ono we oj o pa k'ax pu'ab' ma Hamor man are ire xyakaw i tinimit Siquem, xwiri pu'ab' ti taq ma Abimelec.

GÉNESIS 34:27

Are uri i jub'an chik uk'ojol ma Jacob juntir xe'e la pa tinimit, xeik'aw pkiwi i kamnaq xkik'am b'i ronojel ni'pa o pa tinimit, elsab'al koywal man rumal xqajsax u'ij i kanab'.

JOSUÉ 9:7

I je aj Israel xkila' uwach chke: —Yix moqxa ix aj chi naqaj, ¿Wach u'anik uri jun trat kqa'an iwu'?

2 Samuel 13:14

Xwiri a Amnón xkojon ti che al Tamar, rumali chi xuchap pa cho'ab' xaq xumin rib' ru', ire xtiki che man lik o ucho'ab' chwach al Tamar.