GÉNESIS 33:18 - Wuj Pa K'ubultzij

¹⁸ I ma Jacob lik utz uwach are xupon chik chila pa tinimit Siquem, I Siquem le o chila chupam ulew Canaán, chila xjeqi wi chwach i tinimit Siquem, are xpe chila che i tinimit Padan-aram.

GÉNESIS 33:18 Referans Kwoze

Hechos 7:16

I kich'akul ike le xek'am b'i pa Siquem, chila xemuq wi chupam i muqb'al kamnaq chi ulo'om kan etz mam Abraham chke i rak'al ma Hamor, chila Siquem.

Jueces 9:1

Ma Abimelec chi rak'al ma Jerobaal x-e pa Siquem che i lapanik ru' i ralk'uwal rumal uchuch, xub'ij chke:

JOSUÉ 24:1

Mam Josué xumol kichi' konojel i je aj Israel pa taq tzob'ajil chila pa Siquem, xeusik'ij uwi ujolom i jutzob'aj re i Dios, kaj-atzil, ki'atol tzij xaq i kaj-atzil i achiyab' chi je yij che i ch'oj, konojel xeupon chwach i Dios.

Juan 4:5

Ire xupon che jun tinimit Sicar ub'i re i ulew Samaria. Naqaj che ulew chi uya'om etz mam Jacob che uk'ojol, chi a José.

GÉNESIS 25:20

I ma Isaac le kawinaq (40) junab' o che are xk'uli ru' al Rebeca, chi umi'al ma Betuel xaq ranab' ma Labán. I ma Betuel le aj Aram, aj pa tinimit Padan-aram.

Juan 3:23

Xaq keje ma Wan ktijin chuqajsaxik i ya pkiwi i winaq, chila Enón, chunaqaj i jyub' Salim, man chila che i k'ijib'al le, lik k'i i ya olik, rumali i winaq keupon chila xaq kqajsax i ya pkiwi.

GÉNESIS 46:15

Ike le je are rak'al tit Lea chi xuk'uwalij mam Jacob ru', chi xealax chila Padan-aram, xaq i umi'al chi al Dina. Je oxlajuj juwinaq (33) konojel che achiyab' che ixoqib'.

GÉNESIS 35:9

Are xtzalij b'i ma Jacob chila Padan-aram, I Dios xuk'ut chik rib' che xaq xuya utzil chomal puwi ru' i tziji:

GÉNESIS 28:2

Chayijb'a awib', jat Padan-aram chi rachoch amam mam Betuel chi uqajaw achuch, chatzukuj awixoqil chila chkixol umi'al ma Labán chi awikan, uxib'al achuch.

GÉNESIS 12:6

i mam Abram xeik'aw chupam ronojel ulew Canaán xeupon k'a che ulew Siquem, chila ipa o wi i sik'al More. Che taq i ij le je are aj Canaán je o chwach ulew le.

GÉNESIS 37:13

I mam Israel xub'ij che a José: —I awatz je o chila pa Siquem chkiyu'uxik i chij, rumali kwaj yin keawila wach ki'anom —xcha. —Utzi' —xub'ij a José che.

GÉNESIS 48:7

Yin are xinpe Padan-aram, i achuch xkam kan chila pa b'e che ulew Canaán, naqaj che i tinimit Efrata, chila xinmuq wi kanoq xukut b'e, chi wo'or, Belén ub'i.

Salmos 60:6

I Dios ub'im iri chila pa lo'laj uk'ijib'al: “¡Lik ru' jun nim laj kikotemal kinjach i Siquem, xaq kinjach i ta'aj re i Sucot!

JEREMÍAS 41:5

xeupon aj Siquem, aj Silo xaq aj Samaria kajwinaq (80) achiyab', chi lik kisolom b'i kismachi', i ki'u' lik raqch'ijnaq xaq i kich'akul lik k'iyal soktajnaq o che, chi xa are ike je anawnaq che kib'. Xwi ta la ile, xaq kik'amom li sipon ch'irajil xaq pom, re kkiporoj chwach i Ajwal chila prachoch.

GÉNESIS 31:25

I ma Labán xuriqa ma Jacob, chwi jyub' Galaad ipa je uxlannaq wi, xaq ma Labán xuxlan chila junam ku' i rachalal.