GÉNESIS 32:32 - Wuj Pa K'ubultzij

³² Rumali i je aj Israel kkitij ti ib'och' chi chapawnaq i b'aq re uwi ka' i jalajuj taq chikop, man chila xch'ay wi ma Jacob che uwi ra'.

GÉNESIS 32:32 Referans Kwoze

1 Samuel 5:5

Rumali k'a are o wi wo'or, chi are ke'ok b'i ajsujul sipon re i tiox Dagón chila che i tinimit Asdod, kkitak'alb'ej ti che' re uxe' uchija.

GÉNESIS 32:25

Are xuna i achi chi kuch'ij ti ucho'ab' ma Jacob, xuch'ay chwi ra' ipa utiqom wi rib' ub'aqil, are uri xel ub'aqil i ra' le puk'ijib'al are k'a kichapom kib' pa cho'ab'.

GÉNESIS 32:31

I ma Jacob ktijin rik'awik che i k'ijib'al le chi Peniel ub'i are xel li ij. Xwiri lik kjetz'pin rumal ub'aqil i ra' chi xel puk'ijib'al.

GÉNESIS 33:1

I ma Jacob are xril panoq chi ktijin uk'unik ma Esaú, je rachi'ilam li jumo' (400) achiyab'; are uri ma Jacob le juntir xeujach b'i ak'alab' chke kichuch chi ati Lea, ati Raquel xaq chke i keb' ajke'elab'.

Jueces 8:8

Are uri ma Gedeón x-e pa Peniel xaq xutz'onoj kiwa chke i winaq pacha xu'an chila Sucot, xwiri i winaq chi aj Peniel xaq xkila' uwach chke pacha ula'ik xki'an i winaq aj Sucot,

1 Reyes 12:25

Ma Jeroboam xutaq uyijb'axik i tinimit Siquem chi o pa taq jyub' re ma Efraín, chila xjeqi wi. Te'uri xutaq uyijb'axik i tinimit Penuel.