GÉNESIS 32:21 - Wuj Pa K'ubultzij

²¹ Keje unab'saxik b'i sipon ile xu'an ma Jacob, xwiri ire xwar kan chila che a'ab' le.

GÉNESIS 32:21 Referans Kwoze

GÉNESIS 32:20

I awajchak chi ma Jacob teren li chqij yoj chixcha che, xub'ij ma Jacob chke umokom. Man ma Jacob xuch'ob'o: “Ru' i sipon chi kinnab'saj b'ik kinqajsaj ni roywal i watz; lik qajnaq chik roywal are kinupon pan yin ru', keje ile moqxa utz ink'ulaxik ku'ano.” Xcha.

GÉNESIS 32:22

Xaq che a'ab' le xwalij ma Jacob, xeuk'am i keb' rixoqil, keb' rajke'el xaq i julajuj rak'al, xeu'atsaj che i raqana Jaboc, chila ipa xax wi uwach i ya.

GÉNESIS 33:11

Chak'ama i sipon chi ink'amom li chawe; man i Dios uya'om utzil chomal pinwi, rumali ronojel is o wu' —xcha. I ma Jacob lik xu'an pen che, rumali ma Esaú xuk'am i sipon le.

GÉNESIS 43:11

Are uri ma Israel chi kiqajaw xub'ij chke: —Nti kin-an uri che, chik'ama b'i ri icha' le, xwiri chi'ana iri: Chik'ama b'i jalajuj taq sipon chomiq chupam ikoxtal chiya che i achi le, chik'ama b'i jub'i' bálsamo, jub'i' uwa'al kab', jub'i' kunb'al muy, jub'i' mirra, jub'i' nuez xaq jub'i' almendra.

JOSUÉ 8:9

Are xeupon i achiyab' chi je yij che i ch'oj chila ipa xetaq wi b'i rumal ma Josué, ike xkuwaj kib' chila chuxol i tinimit Betel ru' i tinimit Hai, pusuk' uqajb'al ij che i tinimit Hai le, i ma Josué xkanaj kan ku' uwinaq che a'ab' le chila ipa xuya wi i taqanik.

1 Samuel 25:19

xaq xub'ij chke umokom: —Chixnab'ej b'i yix man yin k'ate kixinmaja panoq. Ronojel ni'pa ile xulap ti che i rachijil,

Proverbios 17:8

Jun winaq chi lik arewi kusujuj pwaq, kuna taq ire lik tewal ktiki chu'anik, xa rumal ronojel ni'pa kuch'ob' u'anik lik ktiki che.