GÉNESIS 31:13 - Wuj Pa K'ubultzij

¹³ Yin in Dios chi xink'ut wib' chawe chila pa tinimit Bet-el, ipa xajam wi aceite puwi ab'aj tak'tik, chi xaq chila xa'an wi jun sujunik chwe. Wo'or ut chatel che i ulewi, jat che ulew ipa at alaxnaq wi.” Keje ile xub'ij i ángel chwe.

GÉNESIS 31:13 Referans Kwoze

GÉNESIS 31:3

Are uri i Ajwal xub'ij che ma Jacob: “Chattzalij chub'i pkulew aqajaw achuch, ipa je o wi awachalal, man Yin lik in o awu'.” Xcha.

GÉNESIS 32:9

Are uri ma Jacob xok che i lapanik ru' i Dios: “Wajwal chi at u-Dios i etz inmam mam Abraham, chi xaq at u-Dios inqajaw mam Isaac, chi xab'ij chwe chi kintzalij chik che i wulew xaq ku' i wachalal, xaq xab'ij chi kin-el ni utz ru',

GÉNESIS 35:7

Are xeupon chila i ma Jacob xuyijb'a jun sujb'al sipon xaq xuya pub'i i k'ijib'al le, El-Bet-el. Man chila xuk'ut wi rib' i Dios che are x-anmaj chwach i ratz chi ma Esaú.

GÉNESIS 31:11

Xaq che i achik' chi xin-ano le i ángel re i Dios xub'ij inb'i: —Ma Jacob. —Yin xinb'ij che: “In o chi, Ta.”

GÉNESIS 31:14

I ati Raquel xaq i ati Lea xkib'ij che ma Jacob: —Yoj lik nti chik ub'itaq qe chi rachoch qaqajaw.

GÉNESIS 35:1

I Dios xub'ij che ma Jacob: “Chayijb'a awib', man kat-ejeqi pa Bet-el. Chk'un chak'ux chi Yin xink'ut wib' chawe chila pa Bet-el are xat-anmaj chwach awatz ma Esaú, rumali cha'ana jun sujb'al sipon chila we Yin.” Xcha.