GÉNESIS 30:24 - Wuj Pa K'ubultzij

²⁴ Rumali xuya pub'i a José, man xub'ij: “¡Wetene i Ajwal Dios kuya chik jun walab'!” Xcha.

GÉNESIS 30:24 Referans Kwoze

GÉNESIS 35:24

I rak'al ru' ati Raquel je are: A José xaq i a Benjamín.

Apocalipsis 7:8

xaq lajujmo' juchiy (12,000) chke umuq uxikin i mam Zabulón, xaq lajujmo' juchiy (12,000) chke umuq uxikin i mam José, xaq lajujmo' juchiy (12,000) chke umuq uxikin i mam Benjamín.

GÉNESIS 37:2

Iri are ki'anoj mam Jacob ru' i ralk'uwal: I a José are o wuqlajuj junab' che, k-e chkiyu'uxik i chij ku' i ratz, chi rak'al ati Bilha xaq i rak'al ati Zilpa, chi je qas ti mer rixoqil uqajaw. I a José le kukoj kimak i ratz che uqajaw, chi xaqmanal kki'ano.

GÉNESIS 42:6

Are xeupon i ratz a José chila pa Egipto chulo'ik i trigo xexuki chwach, xkiqajsaj kipalaj k'a chwach ulew man are ire o puwi i tinimit, xaq are ire kk'ayiw i trigo chke konojel i winaq chwach ronojel i jyub' ta'aj.

Ezequiel 37:16

Chak'ama jun che', chattz'ib'an chwach: Tinimit Judá xaq Israel chi kiya'om kiwach ru' ire. Chak'ama chik jun che', chatz'ib'aj chwach: I ma Efraín chi xuk'exelaj ma José che i tinimit, xaq konojel i kiya'om kiwach chi je are aj Israel chi je o kan chila.

GÉNESIS 37:4

Are xkinab'ej i ratz chi kiqajaw lik k'ax kuna a José chkiwach ike, are uri xkijeqo chi to' tzel chik kkilo xaq utz ti chik u'ijlaxik kki'ano.

GÉNESIS 30:25

Chrijil chik ralaxik a José ru' ati Raquel, are uri ma Jacob xub'ij che ma Labán: —Chaya chwe chi kintzalij b'i pa wulew chila ipa in petnaq wi.