GÉNESIS 30:14 - Wuj Pa K'ubultzij

¹⁴ Che i ij re i molonik re i trigo, i a Rubén x-e pa malkatik pa taq es, are uri xuriqa li jub'an echa' chi mandrágora ub'i, ire xuk'am li che uchuch, chi ati Lea. Are xril i ati Raquel, xub'ij che ati Lea: —Kintz'onoj jun utzil chawe chi chaya jub'i' we i echa' le chi xuk'am li awalab' chawe —xcha.

GÉNESIS 30:14 Referans Kwoze

Cantares 7:13

Ni'pa i mandrágora lik kro'taj b'i umuyal. Xaq lik k'i i jalajuj taq echa' o qu' xolchija: O i echa' ax ch'uptal wi, xaq o i echa' k'ate ch'uptalik, ronojel ile lik ink'olom chawe, k'axnab'al ink'ux.

GÉNESIS 25:30

—Cha'ana utzil chwe, chaya jub'i' inti'b'alil kaq le re kintijo, man lik kinnum chik —xcha. Rumali chi xya' pub'i a Esaú le, a Edom.

GÉNESIS 30:15

Xwiri ati Lea xula' uwach che ati Raquel: —¿Kach'ob' taq yet ile chi lik nim ti k'ax a'anom chwe chi amajom i wachijil chwe? Xaq wo'or kawaj tan chik kamaj i echa' le chwe chi re i walab'. Are uri ati Raquel xub'ij: —Chwar kani ma Jacob awu' che a'ab'i puk'exel i echa' mandrágora —xcha.

GÉNESIS 30:16

Are xk'un ma Jacob pa taq es xqaj ij, i ati Lea x-e chuk'ulaxik, xub'ij che: —Che i a'ab'i katwar kan wu' puk'exel i mandrágora re i walab'. Are uri i ma Jacob xwar kan ru' ati Lea che a'ab' le.