GÉNESIS 3:18 - Wuj Pa K'ubultzij

¹⁸ To' k'ix xaq itzel taq k'ix kuya ni ulew chawe, xaq jalajuj taq ichaj aj pa taq es katij na.

GÉNESIS 3:18 Referans Kwoze

Mateo 13:7

Xaq jub'an chik xetzaq pa k'ix; i k'ix xk'iyik, xaq xukamsaj i tikon.

ISAÍAS 7:23

Che taq i ij le o tikonb'al uva chi o lajujwinaq kamo' (1,000) tikon chwach chi rajil te'eq lajujwinaq kamo' (1,000) saqpwaq, che taq i ij le kkanaj ni kanoq pacha k'ix xaq pacha chaqij taq es pa chaqij taq jyub'.

Job 5:5

Ni'pa uwach kitikon, ktijaw b'i chke kumal i kenumik, tupu chuxol taq k'ix kkesaj wi loq; ronojel ni'pa i kib'eyomal ku' i kek'atik keuk'isa wi.

Hebreos 6:8

Xwiri i uwach ulew we xa k'ix kuya'o, we xa utz ti laj es kuya'o, nti uchak uri; o ni uri chwach kk'oqox rumal i Dios, xaq pa k'isb'al re, kporoxik.

JEREMÍAS 4:3

I Ajwal kub'ij chke i winaq aj Judá xaq chke i winaq aj Jerusalén: Chixtikan chwach ulew chi chapb'em taj, mixtikan chik xol taq k'ix.

ISAÍAS 32:13

K'ix xaq itzel taq es kek'i ni chwach wulew, pa ronojel taq ja chi kekikotik re i tinimit chi lik qus kril i kikotsab'al ib'.

ISAÍAS 5:6

Xaq lik utukel na kwo'taj kanoq. Lik kkik'upij ti uwi i tikon xaq kkimich' ti es chupam, xaq knoj ni che i k'ix xaq che itzel taq es. Kinya ni jun taqanik che i sutz' chi kuya ta li i jab' puwi i tikonb'al le.

Proverbios 22:5

K'ix, xaq tzaqsab'al o pub'e i utz ti laj winaq; xwiri i jun chi kuchajij uk'aslemal kujek' rib' uri ru' i utz ti laj winaq.

Job 31:40

¡Ni'pa wulew chkik'itsaj na li k'ix puk'exel i trigo, xaq itzel taq es puk'exel i cebada! Keje uk'isik i tob'al rib' ma Job ile xu'ano.

JEREMÍAS 12:13

Xkitik trigo xwiri xa k'ix xkiwachb'ej che, ronojel ni'pa i kichak lik nti xuchakuj. I uwach kitikon lik x-on ti utz rumal i nim laj woywal.

Proverbios 24:31

Chila xwil jun tikanb'al chi nojnaq che i k'ix, xaq xwilo chi i koral ab'aj wulkrijnaq.

Salmos 104:2

Apasim awib' chupam i saq pacha taq apasim awib' chupam jun k'ul; xaq xarip b'i uwach i kaj pacha taq jun kortin.

Salmos 90:3

Ka'an che i winaq chi ktzalij chik che uk'aj ulew, are kab'ij keje iri: ¡Chixtzalij chik che uk'aj ulew, yix chi ix winaq!

Job 1:21

Are uri xub'ij: —In ch'analik are xink'un chwach i jyub' ta'aj xaq in ch'analik kin-e chik. Are i Ajwal xuya ronojel chwe xaq are Ire xmajaw chik chwe ronojel. ¡Lik nim u'ij ub'i i Ajwal!

Romanos 14:2

Pacha taq iri, o jujun kkich'ob'o chi is utz wach i ktijawik, xwiri o jujun qas ti jikil kik'ux xaq kkib'ij ike chi xwi ichaj utz ktijawik re uti'b'alil kiwa.

GÉNESIS 3:17

Xaq xub'ij che i achi: —Rumal xatkojon che awixoqil xaq xatij uwach i che' chi xinb'ij chawe chi katij taj, wo'or lik nim i k'oq kreqaj ni ulew awumal yet, ru' i k'ax laj taq chak kach'ak ni awa ronojel ij re ak'aslemal.

GÉNESIS 3:19

Kturuw ni ak'atanal chuch'akik awa ronojel ij re ak'aslemal, k'a are kat-on chik ulew, man xa at uk'aj ulew rumali puk'aj ulew kattzalij wi chik. Keje ile xub'ij i Dios che achi.

ISAÍAS 7:24

K-ani okik chila xwi ru' jun k'aqb'al ch'ab' xaq ru' ch'ab' kamsab'al ke i chikop, man ronojel ni'pa i tinimit kkanaj na pacha taq es k'ix xaq pacha chaqij taq es pa chaqij taq jyub'.