GÉNESIS 3:10 - Wuj Pa K'ubultzij

¹⁰ I achi xub'ij: —Wuwam wib' chawach, man are xinta chi katmalkat pa tikonb'al lik xinxij wib' man in ch'analik.

GÉNESIS 3:10 Referans Kwoze

GÉNESIS 2:25

Che taq i ij le, i achi xaq i ixoq je ch'anal te'eq, xwiri mijun chke ike kk'ix taq che chi ch'analik.

ISAÍAS 57:11

¿Je pachin taq i dios le chi kaxij taq awib' chke xaq kakoj taq ki'ij, re kajikb'a ti ak'ux chwe yin, xaq lik re kinsach chak'ux? Yet are xakoj ti in-ij yin xinch'aw taj xaq xink'ut taj.

ISAÍAS 47:3

Ch-iltaj ni ronojel ach'akul ch'analik, qatzij, lik ch-iltaj ni uwach anus. Kin-an ni uk'exel i k'ax chawe, xaq mijun ktiki chu'atixik u'anik ile ru' taq utz'onoxik utzil chwe.

Salmos 119:120

I inch'akul lik ksiksat chawach rumal xib'rikil, xaq rumal i nim laj a'ij kwaj ukojik i ataqanik.

1 Juan 3:20

We kub'ij qak'ux chi qa'anom qamak, i Dios lik mas nim chwach i qanima man Ire ronojel lik reta'am.

Job 23:15

Rumali kinxij wib' che; xane ru' kinch'ob'o, lik kpe inxib'rikil.

ÉXODO 3:6

Yin in ki-Dios awatit amam, chi mam Abraham, mam Isaac xaq mam Jacob. Are uri ma Moisés xuch'uq upalaj man xuxij rib' chrilik i Dios.

ISAÍAS 33:14

Chila pa Sion lik kesiksat ni ajmakib', xaq i je utz ti laj taq winaq lik keb'arb'at ni rumal kixib'rikil xaq kkib'ij: “¿Pachin taq wa chqe yoj kuch'ijo kk'asi chupam jun a' chi kjarsanik, chupam jun a' ronojel ij saq uwach?”

Apocalipsis 16:15

Kub'ij i Ajwal: “Chita pe', yin kinupon ni iwu' are nti kich'ob' che, pacha rokik jun ili'om. Utz re i jun chi lik kk'ask'atik in roy-em, uyijb'am chik u'u' are kinuponik. Keje ile ch'anal ti uri kb'inik, kk'ix ti uri chkiwach i winaq.”

ÉXODO 32:25

I ma Moisés are xrilo chi konojel i winaq lik kkita ti chik ub'e, rumal ma Aarón chi xtiki ti chki'atixik lik to' xuya chke xaqmanal xki'ano, xaq xe'eloq chi ketze'ex uri kumal ajch'oj chkij.

GÉNESIS 3:7

Are uri lik juntir xjaqtaj kib'a'wach, xkil ub'e chi je ch'analik, rumali xkit'is uxaq che' higuera re ch'uqb'al kib'.

GÉNESIS 3:11

I Dios xutz'onoj che: —¿Pachin taq xb'in chawe chi at ch'analik? ¿Xatab'a xatij uwach i che' chi xinb'ij chawe chi katij taj?

ÉXODO 20:18

Konojel aj Israel lik je ajsaqinel tzij re i ureplajik xetaq kaj, rumal uraqlajik pacha taq ray, rumal uch'awb'al i trompeta xaq i jyub' chi ch'uqtajnaq rumal i sib', i je aj Israel lik keb'arb'at rumal kixib'rikil xaq naj xek'iji wi.

ÉXODO 20:19

Rumali i je aj Israel xkib'ij che ma Moisés: —Chab'ij yet chqe wach kqa'ano man yoj kojkojon ni chawe. Xwiri mch'aw i Dios qu' man we kch'aw chik i Dios qu' moqxa kojkamik —xecha.

Deuteronomio 5:25

Xwiri ¿B'uchak kqaya taq qak'aslemal chwach i kamik rumal i nim laj a' le? We kqata julaj chik uch'awb'al i Qajwal Dios, lik kojkam ni uri.

Job 31:33

Lik inch'uqum ti uwi inmak, pacha kki'an i jub'an chik, xaq mitene wuwam taq uwach