GÉNESIS 29:8 - Wuj Pa K'ubultzij

⁸ Ike xkib'ij, k'a kemoltaj ni konojel i chij, te'uri kqesaj i ab'aj chuchi' i k'otom, xaq te'uri kqaya kiya' —xecha.

GÉNESIS 29:8 Referans Kwoze

Lucas 24:2

Are xeuponik, xkilo chi i ab'aj tz'apb'al re uchi' i jul lik elsam chik puk'ijib'al.

Marcos 16:3

I ixoqib' ketijin chub'ixkil chkiwach: —¿Pachin nawi k-anaw utzil chqe chi kojuto chrelsaxik ab'aj chuchi' i jul? —Xecha.

GÉNESIS 43:32

X-on rib' a José chutijawik uwa, xki'an kib' i ratz ucha' xaq xki'an kib' aj Egipto. Man i aj Egipto kkitij ti kiwa ku' aj Hebreo man kkich'ob' ike chi lik ch'am ti ile.

GÉNESIS 34:14

Xkib'ij chke: —Yoj kqaya ti qanab' che jun achi chi antal ti circuncisión che, man ile lik nim laj k'ixb'alil chqe yoj.

GÉNESIS 29:3

Rumali i je ajyu'ul chij kkesaj i nim laj ab'aj le are kimolom chik kib' konojel i chij re kkitu' kiya', are ktu'taj kiya' konojel i chij i je ajyu'ul ke le kkikoj chi kan i nim laj ab'aj chuchi' i k'otom.

GÉNESIS 29:7

Are uri ire xub'ij chke: —K'amaja kqaj ij xaq k'amaja kumajo chi kek'ol i chij, chiya b'i kiya' te'uri kix-e chik chkitzuqik pa taq tzuqb'al ke —xcha.

GÉNESIS 29:9

K'a klapan ne ma Jacob ku' i ajyu'unel le, are xupon pan al Raquel je rok'am i chij re uqajaw, man are ire ajyu'unel ke.

1 Samuel 9:11

Are kimajom b'i jyub' enam ke pa tinimit, xkik'ulaj jub'an altom chi enam ke chrelsaxik li kiya', are uri xkitz'onoj chke: ¿Chi kqariq wi i achi chi kya' retamaxik che wach kk'ulmax chweq kab'ij?