GÉNESIS 29:21 - Wuj Pa K'ubultzij

²¹ Are xtz'aqat i wuqub' junab' chak, i ma Jacob xub'ij che ma Labán: —Wo'or chaya ami'al chwe kink'uli ru' re wixoqil, man ya xtz'aqat ij chi xqab'ij awu' —xcha.

GÉNESIS 29:21 Referans Kwoze

Jueces 15:1

Are xik'aw keb' oxib' ik' xaq are ktijin umolik i trigo, are uri a Sansón le x-e chrilik rixoqil, rok'am b'i jun ral uchab'at. Are xuponik, xub'ij: —Kinok b'i pa ja chrilik wixoqil. Xwiri i uqajaw ali xuya ti che a Sansón chi kok b'i ru' umi'al pa ja.

Mateo 1:18

I ralaxik i Jesucristo, keje iri xu'ano: I al Mariy, chi uchuch, ya ub'im chik che i ma José chi kek'uli'ik. Xwiri, are k'amaja kkuk'aj kib', ire raxwinaq chik rumal ucho'ab' Lo'laj Utewal i Dios chi petnaq puwi.

GÉNESIS 38:16

Are uri x-e pan ru' man reta'am taj we are i ralib', xaq xel uchi' che, xub'ij: —Chaya chwe chi kinmin wib' awu' —xcha. I ixoq le xub'ij che: —¿Wach kaya chwe we kinb'ij utz chawe?

GÉNESIS 31:41

I juwinaq (20) junab' chi xinchakun awu' le jalajuj taq xink'ulmaj: Man kajlajuj junab' xinchakun kumal i keb' ami'al xaq waqib' junab' xinchakun kumal achij, xaq che i juwinaq junab' le k'iyal mul xayoj i wajil.

GÉNESIS 29:20

Rumali xchakun wuqub' junab' ma Jacob ru' ma Labán, rumal uch'akik al Raquel man keje ile kk'uli ru', xwiri lik k'iyal ti ij xuna ire, man lik qus xril ali.

GÉNESIS 29:18

Xwiri ma Jacob lik qus xril al Raquel rumali xub'ij: —Kinchakun ni wuqub' junab' awu' rumal ami'al cha'xel chi al Raquel —xcha.

GÉNESIS 4:1

I achi xumin rib' ru' rixoqil chi al Eva. Ire xk'aqtajik, te'uri xalax jun ralab' chi xuya pub'i a Caín, i al Eva le xub'ij: “Ru' utob'al i Ajwal xwalaj jun walab'.”

GÉNESIS 29:22

Are uri ma Labán xumol kichi' konojel i winaq chi je o chila che i k'ijib'al le, xu'an jun nim laj nima'ij.

Deuteronomio 22:13

Jun achi we kk'uli ru' jun ixoq xwiri chrijil chik uminik rib' ru', k'ax ti chik kuna'o,