GÉNESIS 29:2 - Wuj Pa K'ubultzij

² Are xupon chila xril jun k'otom ipa je uxlannaq wi oxib' tzob'aj chij, je uxlannaq chila man chila kkitu' wi kiya' chuchi' i k'otom le. Xwiri i k'otom le kojtal jun nim laj ab'aj chuchi'.

GÉNESIS 29:2 Referans Kwoze

Juan 4:6

Chila o wi i k'otom chi re kan mam Jacob; i Jesús lik kosnaq chik che i b'e rumali xkub'i chuchi' i k'otom le. Kolo tik'il ij.

ISAÍAS 49:10

“Lik kitij ti numik xaq i k'atik, xaq kina ti uk'axk'ol i ij xaq ub'ukb'atik, man yin k'ax kixinna'o xaq kink'am b'e chiwach, xaq kixink'am b'i chi taq ralaxb'al ya.

Apocalipsis 7:17

Keje ile k-an ni chke, man ire chi Ral Chij kb'ix che chi xaq o chuxol i kub'ib'al re i Dios chi o u'ij, ire keuchajij na pacha je uchij; keuk'am b'i chuchi' taq i ralaxb'al ya, xaq kkitu' ni ya chi kuya kik'aslemal. Ni'pa uwa'al kiwach i Dios kusu ni chke.

Juan 4:14

Xwiri jun we kutu' i ya chi kinya yin che, lik kpe ti chik uk'atik, man i ya chi kinya yin, ku'an ni pacha jun ralaxb'al ya puk'ux re i k'aslemal chi kk'is ti chik.

Salmos 23:2

Kinuk'am b'i pa uxlanem pa chom laj taq k'ijib'al xaq kinuk'am b'i chi taq ya chi lik chom ksememik,

GÉNESIS 24:13

Yin in o chi, je woy-em altom re i tinimiti chi kek'un chuk'amik kiya' chi k'otom.

GÉNESIS 24:11

Are xeuponik, xeupuyb'a i kamey chila naqaj che i k'otom, chi o tzam ja re i tinimit, are kul chik i ij chwi jyub' chi xaq are or ile chi keupon ixoqib' chuk'amik kiya' chi k'otom.

GÉNESIS 24:10

I mokom xuk'am lajuj chke ukamey i rajaw uchak, xaq xu'ul b'i jalajuj chomiq taq sipon; te'uri xumaj b'i ub'e x-e pa tinimit Nacor, chila pa Mesopotamia.

GÉNESIS 29:3

Rumali i je ajyu'ul chij kkesaj i nim laj ab'aj le are kimolom chik kib' konojel i chij re kkitu' kiya', are ktu'taj kiya' konojel i chij i je ajyu'ul ke le kkikoj chi kan i nim laj ab'aj chuchi' i k'otom.

Jueces 5:11

Chila chuxol i tu'b'al taq kiya' i chikop, are kita uch'awb'al i son re i sotsaq ch'ich' chkikojo u'ij i Ajwal rumal i ch'akanik chi xu'an pa taq komon re Israel.