GÉNESIS 28:22 - Wuj Pa K'ubultzij

²² I ab'aj chi xintak'b'a uwach le, lik rachoch ni Dios; ronojel ni'pa kuya ire chwe, lik kwesaj ni insipon chi are i jun che i lajuj che i kinch'ako kinya che ire.” Xcha.

GÉNESIS 28:22 Referans Kwoze

GÉNESIS 35:7

Are xeupon chila i ma Jacob xuyijb'a jun sujb'al sipon xaq xuya pub'i i k'ijib'al le, El-Bet-el. Man chila xuk'ut wi rib' i Dios che are x-anmaj chwach i ratz chi ma Esaú.

GÉNESIS 14:20

xaq lik nim ni u'ij i Nim laj Dios, chi xeujach ajch'oj pa'ab'.” Xcha. I ma Abram xresaj usipon chi are i lajuj che i ch'akanik che ronojel ni'pa xuch'ako, xuya che mam Melquisedec.

GÉNESIS 35:1

I Dios xub'ij che ma Jacob: “Chayijb'a awib', man kat-ejeqi pa Bet-el. Chk'un chak'ux chi Yin xink'ut wib' chawe chila pa Bet-el are xat-anmaj chwach awatz ma Esaú, rumali cha'ana jun sujb'al sipon chila we Yin.” Xcha.

GÉNESIS 33:20

xaq xuyijb'a jun sujb'al sipon chila, chi xuya pub'i El-Elohe-Israel.

GÉNESIS 28:17

Lik uxim rib', xub'ij chik i tziji: “Lik b'isb'al i k'ijib'ali, iri lik rachoch i Dios xaq uchi' i kaj.” Xcha.

GÉNESIS 12:8

Relik chila x-e chik chijyub' prelb'al ij che ulew Bet-el, are xuponik xuyijb'a umujb'al chila; i Bet-el le xkanaj puqajb'al ij che, xaq i ulew Hai xkanaj prelb'al ij che, xaq xuyijb'a chik jun sujb'al sipon chila re i Ajwal; xaq xukuxtaj xunataj ub'i i Ajwal.

GÉNESIS 21:33

I mam Abraham xutik jun che' Tamarisco chila pa Beerseba xaq chila xukuxtaj xunataj wi ub'i i Ajwal, chi are i Dios ronojel ij saq.

GÉNESIS 47:24

Are ki'an i molonik ki'an jo'ob' mutzaj che, jun mutzaj kiya che ma faraón, i kajib' mutzaj chik iwe yix re kitij ku' iwak'al, ku' konojel i winaq chi je o iwu' ru' ja xaq kiwesaj iwija' ru' —xcha.

GÉNESIS 47:26

Rumali ma José xukanaj kan ile chi lik jun atb'al tzij chwach ronojel ulew Egipto chi k'a are o wi wo'or chi k-ani jo'ob' mutzaj che i molonik, man i jun mutzaj kya' ni che ma faraón, i kajib' mutzaj chik ke ike. Xwi i ulew ke aj ajsujul sipon xkanaj ti pu'ab' ma faraón.

MALAQUÍAS 3:10

Chik'ama li i jun che i lajuj che i kich'ako kiya pwachoch chila pa k'olb'al b'iroxik, keje ile o ni ktijaw pwachoch. Chik'ama inpam ru' ile, ilb'al re we kinjaq ti wantana chiwe re chikaj, re kinya k'iyal utzil chomal piwi.