GÉNESIS 28:19 - Wuj Pa K'ubultzij

¹⁹ Che i k'ijib'al le o jun tinimit chi Luz te'eq ub'i xwiri ma Jacob xujalwachij ub'i i tinimit le xuya pub'i Bet-el.

GÉNESIS 28:19 Referans Kwoze

GÉNESIS 48:3

i xub'ij che ma José: —I Dios chi is Ronojel ktiki che, xuk'ut rib' chwe che i tinimit Luz, chila che ulew Canaán xaq chila xuya wi utzil chomal pinwi,

GÉNESIS 35:1

I Dios xub'ij che ma Jacob: “Chayijb'a awib', man kat-ejeqi pa Bet-el. Chk'un chak'ux chi Yin xink'ut wib' chawe chila pa Bet-el are xat-anmaj chwach awatz ma Esaú, rumali cha'ana jun sujb'al sipon chila we Yin.” Xcha.

Oseas 4:15

We yet, Israel, ka'an i ch'am taj, xwiri i tinimit Judá nti umak che ile. ¡Mix-e yix pa Gilgal xaq mixel b'i pa Bet-avén xaq mikuxtaj uk'aslemal i Ajwal puwi jun tzij! Man Ire lik k'aslik.

1 Reyes 12:29

Are uri xuya jun pa tinimit Betel xaq xuya jun chik pa tinimit Dan.

GÉNESIS 12:8

Relik chila x-e chik chijyub' prelb'al ij che ulew Bet-el, are xuponik xuyijb'a umujb'al chila; i Bet-el le xkanaj puqajb'al ij che, xaq i ulew Hai xkanaj prelb'al ij che, xaq xuyijb'a chik jun sujb'al sipon chila re i Ajwal; xaq xukuxtaj xunataj ub'i i Ajwal.

GÉNESIS 28:11

Are xoksan a'ab' pa taq b'e xuxlan chila, i xutzukuj ipa kwar wi, xaq xuk'am pan jun ab'aj, xu'an uch'eket che, te'uri xwarik.

GÉNESIS 31:13

Yin in Dios chi xink'ut wib' chawe chila pa tinimit Bet-el, ipa xajam wi aceite puwi ab'aj tak'tik, chi xaq chila xa'an wi jun sujunik chwe. Wo'or ut chatel che i ulewi, jat che ulew ipa at alaxnaq wi.” Keje ile xub'ij i ángel chwe.

GÉNESIS 35:6

Keje ruponik ma Jacob ile chila pa Luz chi xaq Bet-el ub'i, chi o chwach ulew Canaán, xaq konojel i winaq chi je o ru' lik junam xeuponik.

GÉNESIS 35:14

I ma Jacob xutik jun ab'aj, xutak'b'a uwach pacha jun aqan, chila che i k'ijib'al le ipa xlapan wi i Dios ru', te'uri xukitzka uwa'al uva muqb'am xaq xujam aceite puwi yab'al u'ij.

GÉNESIS 35:15

I ma Jacob xuya pub'i i k'ijib'al le ipa xlapan wi Dios ru', Bet-el.

JOSUÉ 8:12

Ma Josué xeutaq chub'i lajujwinaq kab'lajujmo' (5,000) achiyab' chi je yij che i ch'oj chusutixik rij i tinimit Hai, ike xkuwaj kib' chuxol i tinimit Betel ru' i Hai, pusuk' i uqajb'al ij che i tinimit Hai le.

JOSUÉ 18:13

Te'uri kel chik uchi' chila pa Luz chi Betel kb'ix che, chila pa wiqab' te'uri kqaj chub'i k'a pa Atarot-adar naqaj che i jyub' chi o pa wiqab' che i Bet-horón chi o Ikem.

1 Samuel 7:16

Ma Samuel junab', junab' k-e pa Betel, Gilgal xaq pa Mizpa chrilik wach rajwaxik chke aj Israel chila pa taq tinimit le.

1 Samuel 10:3

K'a jela pan jub'i' are katupon chila ipa o wi uche'lal sik'al chila pa Tabor kik'ulaj ni iwib' ku' oxib' achiyab' chi enam ke pa Betel chukojik u'ij i Dios. Jun chke ike le rok'am b'i oxib' mama'ib' chab'at, jun chik rok'am b'i oxib' lejom wa re trigo xaq i jun chik rok'am b'i jun tz'um nojnaq che uwa'al uva muqb'am.

GÉNESIS 35:7

Are xeupon chila i ma Jacob xuyijb'a jun sujb'al sipon xaq xuya pub'i i k'ijib'al le, El-Bet-el. Man chila xuk'ut wi rib' i Dios che are x-anmaj chwach i ratz chi ma Esaú.

JOSUÉ 16:2

Xaq kel chik uchi' ulew chila Bet-el chi Luz ub'i, kupon k'a chuchi' kulew i je aj Arquita k'a chila pa Atarot;

Jueces 20:26

Are uri konojel achiyab' chi je yij che i ch'oj xaq konojel i winaq aj Israel, xe'e chik pa Betel, xe'ok chub'ixkil che i Ajwal chi k'ax kuna kik'ux wach xkik'ulmaj. Lik jun ij xkimayij kiwa'im chusujuxik kisipon re chomb'al kib' chwach i Ajwal xaq chusujuxik i porom sipon.

2 Reyes 2:2

Ma Elías xub'ij che ma Eliseo: —Chatkanaj kan chi, man i Ajwal xinutaq b'i pa tinimit Betel. Xwiri ma Eliseo xub'ij che: —Kinb'ij pub'i i Ajwal xaq pa b'i yet, chi katinya ti kan atukel. Are uri xe'e junam pa tinimit Betel.

SEGUNDO LIBRO DE CR%D3NICAS 13:19

Ma Abías xterej b'i chu'anik ch'oj chrij ma Jeroboam xaq xumaj kan oxib' tinimit chi are Bet-el, Jesana xaq i Efraín rachi'ilam i jalajuj taq ukomon.