GÉNESIS 28:10 - Wuj Pa K'ubultzij

¹⁰ Are uri ma Jacob xel chila pa Beerseba, xumaj b'i i b'e chi k-e pa Harán.

GÉNESIS 28:10 Referans Kwoze

Hechos 7:2

are uri ma Esteban xula' uwach che: Ix, wachalal chwach i Cristo xaq i qajawxelab', chinita na: I nim laj qa-Dios xuk'ut rib' che qamam mam Abraham are o chila che i ulew Mesopotamia, are k'amaja k-e pa jeqelem pa ulew Harán,

GÉNESIS 32:10

saq laj tzij yin chi in awajchak kmajaw ti rutzil ak'ux chwe, xaq mitene atzij chi lik saqil chi aya'om chinqul are xin-axuj i raqana Jordán lik xwi inch'amiy wok'am, xwiri wo'or je keb' tzob'aj chik winaq je o wu'.

GÉNESIS 11:31

I mam Taré xel pa Ur ke aj Caldea, x-e k'a Canaán, xuk'am b'i uk'ojol ru' chi a Abram, a Lot chi ri umam xaq i ralib' chi al Sarai rixoqil a Abram. Xwiri are xeupon che i tinimit Harán xejeqi chila che i tinimit le.

Oseas 12:12

I ma Jacob x-anmaj b'i pa taq es re Aram, che i jyub' le xuriq i rixoqil xwiri chila xchakunik re ajchajil chij.

Hechos 25:13

Are xik'aw keb' oxib' ij, i ajawinel ma Agripa xaq i ati Berenice xeupon pa Cesarea chu'ijlaxik ma Festo.

GÉNESIS 12:4

X-e uri ma Abram chrij pacha xb'ix che rumal i Ajwal xaq x-e ma Lot ru' chi rika'; ma Abram le o jo'lajuj oxwinaq (75) junab' che are xel chila pa Harán.

GÉNESIS 12:5

Ma Abram xuk'am b'i rixoqil ru', chi ati Sarai, xaq i rika' chi ma Lot, xaq ronojel ub'itaq ke chi kich'akom, xaq i winaq chi kich'akom chila pa Harán, junam xe'el chila che ulew Harán le xaq junam xeupon k'a che ulew Canaán,

GÉNESIS 26:23

X-on panoq i ma Isaac le x-e pa Beerseba.

GÉNESIS 27:43

Rumali walab', chakojo wach kinb'ij chawe: Chayijb'a awib', lik chab'isoj, jat pa Harán chi rachoch inxib'al ma Labán,

GÉNESIS 29:4

I ma Jacob x-on i tz'onb'eniki chke ajyu'ul chij: —¿Ix aj ipa yix? Ike xkib'ij: —Oj aj pa Harán —xecha.

GÉNESIS 46:1

I mam Israel xumaj b'i ub'e xuk'am b'i ronojel ub'itaq re. Are xupon chila pa Beerseba, xusujuj sipon chwach u-Dios uqajaw chi etz mam Isaac.

ÉXODO 33:1

I Ajwal xub'ij che ma Moisés: —Jat, chatel che i k'ijib'ali, junam ku' i winaq chi xeawesaj li pa Egipto, jix chila che ulew chi xinsujuj che ma Abraham, che ma Isaac xaq che ma Jacob, chi kinya chke kimuq kixikin,

GÉNESIS 35:1

I Dios xub'ij che ma Jacob: “Chayijb'a awib', man kat-ejeqi pa Bet-el. Chk'un chak'ux chi Yin xink'ut wib' chawe chila pa Bet-el are xat-anmaj chwach awatz ma Esaú, rumali cha'ana jun sujb'al sipon chila we Yin.” Xcha.

GÉNESIS 35:7

Are xeupon chila i ma Jacob xuyijb'a jun sujb'al sipon xaq xuya pub'i i k'ijib'al le, El-Bet-el. Man chila xuk'ut wi rib' i Dios che are x-anmaj chwach i ratz chi ma Esaú.