GÉNESIS 27:40 - Wuj Pa K'ubultzij

⁴⁰ Rumal ach'ich' chi k'ulala o uware katk'asi na, xaq at ajchak na chrij acha'; xwiri are kkowir awach xaq are o chik acho'ab' kawesaj ni awib' uri pu'ab'.”

GÉNESIS 27:40 Referans Kwoze

GÉNESIS 25:23

I Ajwal xula' uwach che ati Rebeca: “I keb' awak'al chi je o chapam, ke'eloq keb' tinimit chi su' chupam li apam kkijach wi li kiwach. Jun tinimit lik mas o ucho'ab' chwach i jun chik, i atz, lik ajchak na chrij i cha'xel.” Xcha i Dios.

SEGUNDO LIBRO DE CR%D3NICAS 21:10

Xwiri aj Edom xkesaj kib' chuxe' kitaqanik aj Judá i k'a are je o wi wo'or. Xaq che taq i ij le aj Libna xkesaj kib' pu'ab' ma Joram. Man i ma Joram le xro'taj kan i Ajwal, chi ki-Dios i ratit umam.

2 Samuel 8:14

Chrijil chik ile, te'uri xukoj chajal pa ronojel ulew Edom, are uri konojel i winaq chi aj Edom le xekanaj kan pu'ab' ma David. I Ajwal arewi kuya i ch'akanik che ma David xa'ipa k-e wi.

Salmos 60:8

i ulew Moab are i yab'al ya chi kinch'aj wib' chupam; chwach i ulew Edom kink'aq nu b'i inxajab'; ¡Lik kinkikot ni chkich'akik i aj Filistea!”

SEGUNDO LIBRO DE CR%D3NICAS 21:8

Che rajawinik ma Joram, i tinimit Edom xwalij chu'anik ch'oj chrij i tinimit Judá xaq xki'an kib' chu'ulik jun kajawinel.

SEGUNDO LIBRO DE CR%D3NICAS 28:17

man aj Edom xeupon chik chu'anik ch'oj chkij aj Judá, xekich'ako xaq xkik'am b'i jub'an aj Judá prexil.

2 Reyes 14:10

Yin weta'am chi xeach'ak aj Edom, rumali kana yet chi nim a'ij, xaq lik kattijin chutzukuxik mas a'ij; xwiri utz na we katkanaj kan chi awachoch. ¿B'uchak kawaj chi katzukuj i k'ax pawi xaq pkiwi i tinimit Judá?”

2 Reyes 14:7

Ma Amasías are ire xekamsaw i jo'mo' juchiy (10,000) aj Edom “Chwa Ta'aj chi Atz'am” ub'i xaq xumaj kan i tinimit Sela, xuya pub'i Jocteel chi k'a are ub'i ile wo'or.

GÉNESIS 32:6

Are xek'un i ajb'il tzij, xkib'ij che ma Jacob: —Yoj ya xojupon chub'ixkil i tzij che i awatz chi xojataq b'i che, wo'or ire xpe chak'ulaxik je rachi'ilam li jumo' (400) achiyab'.

Mateo 10:34

Mich'ob' yix we in k'unnaq chuk'amik i utz laj olem ke i winaq chwach i jyub' ta'aj. Rumal ti ile in k'unnaq; Yin in k'unnaq chuya'ik ch'oj chkixol i winaq.

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

GÉNESIS 33:9

I ma Esaú xub'ij che: —Incha', keink'am taj man lik je k'i inchikop yin je olik; che'ol ni awu' man i chikop le lik je awe yet —xcha.