GÉNESIS 26:8 - Wuj Pa K'ubultzij

⁸ Are k'iyal ij chik ujeqelem ma Isaac chila pa Gerar, o jun ij chi mam Abimelec chi ajawinel ke aj Filistea ktaqen b'i pa wantana, are uri xril pan ma Isaac chi kutz'ulej xaq kutz'ub'aj uchi' i rixoqil chi ati Rebeca.

GÉNESIS 26:8 Referans Kwoze

ISAÍAS 62:5

Man keje pacha jun ala chi kk'uli ru' jun ali, keje ak'amik yet ile ku'an i Dios re at rixoqil, katuyijb'a chik xaq lik kkikot ni awu', pacha jun achi chi lik kkikot ru' rixoqil.

Cantares 2:9

I k'axnab'al ink'ux keje pacha jun kej, pacha jun ral kej ch'utin. ¡Ya o chik chi, chrij uchija, ktaqen li pa wantana, xa ani'al ktaqen loq!

Proverbios 7:6

O juyak kintaqen b'i yin chuxol i wantana re i wachoch,

Jueces 5:28

I uchuch ma Sísara xtejeb' pan pa wantana, rumal uk'achirik xsik'in chub'ixkil i tziji: ¿B'uchak k'amaja kk'un ma Sísara pa ch'ich'? ¿B'uchak chi b'aytajnaq uch'ich' re ch'oj?

ECLESIASTÉS 9:9

Lik chaqusij i k'aslemal ru' ixoq chi k'ax kana'o che i jujun jo'taj tan che i k'aslemal chi nti usuk' chi uya'om i Dios chawe chwach i jyub' ta'aj; man xwi ile kach'ak che ni'pa ka'at apen che i chak chwach i jyub' ta'aj.

GÉNESIS 26:7

I achiyab' chi je aj Gerar, are xkitz'onoj che ma Isaac wach chux ati Rebeca che, ire xub'ij chke chi ranab'. Man ati Rebeca le lik chom laj ixoq, rumali ma Isaac xuxij rib' chusaqixik chi rixoqil; man ire xuch'ob'o chi moqxa kkamsaxik.

GÉNESIS 26:9

Are uri mam Abimelec le xutaq usik'ixik ma Isaac, xub'ij che: —Awixoqil b'ari ixoq le. ¿B'uchak ut xab'ij chqe chi xa awanab'? Are uri ma Isaac xub'ij: —Xinb'iji man xinch'ob' yin moqxa kinkamsax rumal uchomal i wixoqil —xcha.