GÉNESIS 26:20 - Wuj Pa K'ubultzij

²⁰ xwiri i ajyu'ul chij chi je aj Gerar xkichap kib' chitzij puwi i ya le ku' ajyu'ul uchij ma Isaac. Rumali ma Isaac xuya pub'i i k'otom le “Esek”, man xki'an ch'oj puwi.

GÉNESIS 26:20 Referans Kwoze

GÉNESIS 21:25

Xwiri mam Abraham xukoj uch'ojil che ma Abimelec, chi i je umokom ma Abimelec xkimaj jun k'otom che mam Abraham.

GÉNESIS 13:7

Rumali xpe i ch'oj chkixol ajyu'ul uchikop ma Abram ku' ajyu'ul uchikop ma Lot. Xaq che taq i ij le i je aj Canaán, xaq i je aj Ferez je jeqel chila chwach ulew le.

GÉNESIS 26:19

O juyak are ketijin umokom ma Isaac chu'anik jun k'otom chila chwa ta'aj, are uri xkiriqa li ya chi lik kb'olb'atik,

GÉNESIS 26:21

Te'uri i umokom ma Isaac xki'an chik jun k'otom, xaq xki'an chik ch'oj puwi, rumali ma Isaac xuya pub'i i k'otom le Sitna.

GÉNESIS 46:34

Yix chib'ij ni che chi ax keiyu'uj wi jalajuj taq chikop pacha xki'an iwatit imam ujer. Keje ile kixk'iji ni kan uri chwach ulew Gosén man i aj Egipto kkaj ti kek'iji junam ku' ajyu'ul jalajuj taq chikop man kkich'ob' ike nti ki'ij —xcha ma José.