GÉNESIS 25:23 - Wuj Pa K'ubultzij

²³ I Ajwal xula' uwach che ati Rebeca: “I keb' awak'al chi je o chapam, ke'eloq keb' tinimit chi su' chupam li apam kkijach wi li kiwach. Jun tinimit lik mas o ucho'ab' chwach i jun chik, i atz, lik ajchak na chrij i cha'xel.” Xcha i Dios.

GÉNESIS 25:23 Referans Kwoze

GÉNESIS 27:40

Rumal ach'ich' chi k'ulala o uware katk'asi na, xaq at ajchak na chrij acha'; xwiri are kkowir awach xaq are o chik acho'ab' kawesaj ni awib' uri pu'ab'.”

GÉNESIS 27:29

Chki'ana ni kipatan i winaq chawij, xaq chexuki ni chawach. Cha'ata ni tzij puwi atinimit, xaq i jub'an chik tinimit chki'aja ni kib' chawach. Ni'pa i katkik'oqoj kkeqaj ni k'oq, xaq ni'pa i kkitz'onoj utzil chomal pawi, kya' ni utzil chomal pkiwi.”

2 Samuel 8:14

Chrijil chik ile, te'uri xukoj chajal pa ronojel ulew Edom, are uri konojel i winaq chi aj Edom le xekanaj kan pu'ab' ma David. I Ajwal arewi kuya i ch'akanik che ma David xa'ipa k-e wi.

PRIMER LIBRO DE CR%D3NICAS 18:13

Te'uri ma David xukoj chajal pa tinimit Edom, are uri konojel aj Edom xekanaj kan pu'ab' ma David. I Ajwal kuya i ch'akanik che ma David xaipa k-e wi.

GÉNESIS 24:60

Are uri xkitz'onoj b'i utzil chomal puwi al Rebeca ru' i tziji: Lo'laj qanab' lik je k'i awak'al chealax na, xaq ke'ajawin ni pkiwi ajch'oj chkij. Xecha.

GÉNESIS 17:16

Yin, lik kinya ni utzil chomal puwi, xaq kin-an na chi kalax jun ak'ojol ru', xaq lik kin-an ni che chi kichuch i k'iyal nimaq taq tinimit, i umuq uxikin je ajawinel na ke i nimaq taq tinimit le.

NÚMEROS 20:14

Chila Cades i ma Moisés xeutaq b'i jub'an winaq chub'ixkil che i ajawinel re i tinimit Edom: “Iri are kkib'ij awatz acha' aj Israel: Yet aweta'am ni'pa i jalajuj taq k'ax chi oj ik'awnaq chupam.

1 Reyes 22:47

Chila pa tinimit Edom, nti ajawinel che taq i ij le, xwi jun aj-ok'al utzam i jalajuj taq tinimit.

GÉNESIS 36:31

Are k'amaja kok jun chke i aj Israel pa ajawinik, i xe'ajawin pkiwi i winaq chila che ulew Edom je are iri:

GÉNESIS 33:3

I ma Jacob le xnab'ej b'i chkiwach, wuqmul xuki'ik, xuqajsaj upalaj k'a chwach ulew tz'aqat xkik'ulaj kib' ru' i ratz chi ma Esaú.

GÉNESIS 25:27

Are xek'iy ak'alab' le, i a Esaú xe'eloq chi ajtzukul jalajuj taq chikop pa taq es; xwiri i a Jacob xe'eloq jun ala chi kraj olem ru' ja.

GÉNESIS 17:4

—Are intrat iri chi kin-an awu': Yet at kiqajaw ni k'iyal nimaq taq tinimit.

GÉNESIS 32:6

Are xek'un i ajb'il tzij, xkib'ij che ma Jacob: —Yoj ya xojupon chub'ixkil i tzij che i awatz chi xojataq b'i che, wo'or ire xpe chak'ulaxik je rachi'ilam li jumo' (400) achiyab'.

GÉNESIS 25:24

Are xeuriqa i ij chi xalan ati Rebeca, lik je yox rak'al xealaxik.

GÉNESIS 27:33

Are uri mam Isaac lik xok il xaq lik xkaykat chub'ixkil i tziji: —¿Pachin taq uri xk'un jo'taj tan chuya'ik uti'b'alil inwa chi xutzukuj li chwe pa taq es? Yin xintij b'i ronojel ni'pa taq xuk'am li chwe, lik k'ate ne welem wa'im are xatk'unik xaq xinya utzil chomal puwi, rumali lik kya' ni utzil chomal che —xcha.

Deuteronomio 2:4

Chaya i taqaniki chke konojel i winaq: Yix kixik'aw pkulew i je umuq uxikin ma Esaú chi je jeqel chila pa Seir chi iwachalal yix, ike kkixij kib' chiwe yix xwiri lik chi'ana kwent iwib',

Deuteronomio 2:8

Chrijil chik ile te'uri xoj-e che i b'e chi k-e pa Arabá chi petnaq k'a pa Elat xaq Ezión-geber, xaq xojik'aw chupam kulew i qachalal chi je umuq uxikin ma Esaú, chi je jeqel chila pa Seir, chila xojsutin wi te'uri xqamaj b'i b'e chi k-e che i tz'inilik jyub' chaqij re Moab.

GÉNESIS 27:37

I mam Isaac xub'ij che: —¿Wach chik kinya chawe yet wo'or wak'al? Man ronojel utzil chomal chi awe yet te'eq inya'om chik che acha', inya'om chik che chi krajawin ni pawi, xaq konojel i rachalal je umokom na, xaq inya'om chik i b'eyomal pu'ab' re i trigo xaq i uva.

GÉNESIS 48:19

Xwiri i uqajaw xraj ti xujalwachij u'ab', xub'ij: —Weta'am loy, weta'am. Xaq umuq uxikin ire le ke'on ni jun nim laj tinimit xaq lik o ni ki'ij. Xwiri i umuq uxikin i ucha' le lik o ni ki'ij chkiwach ike, xaq lik ke'on ni k'iyal taq tinimit.

ABDÍAS 1:21

Ke'el nu b'i ajch'akanel puwi i jyub' Sion re kki'at tzij chkij i je o puwi i jyub' re ma Esaú, i are ni Ajwal krajawinik.