GÉNESIS 24:61 - Wuj Pa K'ubultzij

⁶¹ Are uri al Rebeca xaq i je rajke'elab' xkiyijb'a b'i kib', xe'an b'i chkij i kamey te'uri xeterej b'i chrij umokom mam Abraham. Keje uk'amik b'i al Rebeca ile xu'an umokom mam Abraham.

GÉNESIS 24:61 Referans Kwoze

Salmos 45:10

Chata pe, inmi'al: Chakojo retalil che wach kinb'ij chawe: Mach'ob' chik awalk'uwal xaq i awinaq,

GÉNESIS 2:24

Rumali, i achi kukanaj kan uqajaw uchuch man kkok'aj ni kib' ru' rixoqil, xaq ke'eloq, xa je jun ch'akulaj chik.

Ester 8:14

Rumal i taqanik re i ajawinel, i ajjachol wuj juntir xe'an la rij taq kaway xaq xkimaj la b'i kib'e chujachik i wuj le pa jalajuj taq tinimit, are u'anik uri chi i taqanik le x-etamax k'a pa tinimit Susa.

Ester 8:10

I ajawinel ma Asuero xujuch' b'i uwach ronojel i wuj le, xaq xunak' b'i uk'exwach i b'aq re uwi u'ab' che, te'uri xkiya b'i chke jub'an achiyab' ajjachol wuj chi je ajrij taq kaway re i ajawinel, chi lik kkich'ij b'e.

1 Samuel 30:17

Are uri ma David le x-e chkij xujeq u'anik ch'oj ku', xsaqirik k'a xqaj ij xtiki chke, laj konojel xeukamsaj, xwi xetotaj i jumo' (400) alab'om chi xe'anmaj b'i chrij kikamey.

GÉNESIS 31:34

Xwiri ati Raquel xeuk'am i tiox xruwaj chuxe' jun aparej, te'uri xkub'i puwi. Ma Labán le xutzukuj na'al chupam i mujb'al, xwiri xuriq taj.

GÉNESIS 24:60

Are uri xkitz'onoj b'i utzil chomal puwi al Rebeca ru' i tziji: Lo'laj qanab' lik je k'i awak'al chealax na, xaq ke'ajawin ni pkiwi ajch'oj chkij. Xecha.

GÉNESIS 24:62

Che taq i ij le i a Isaac jeqel chila pa Neguev, che jun uqajb'al ij xupon k'a chi k'otom, chi keje ub'i iri: K'aslik chi kinrilo.

Jueces 5:30

“Ile moqxa ketijin chujachik chkiwach ronojel ni'pa i xetiki chumajik pa ch'oj. Moqxa jun ajke'el, o moqxa keb' kel chkiwach ajch'oj. I ma Sísara re ire i k'ul chi lik k'i utzunb'al, moqxa jun o moqxa keb', chi lik k'iyal taq utzunb'al i t'is kojtal che re retz'b'alil uqul i ch'akanel.”

1 Samuel 25:42

Are xb'itaj ile, juntir xuyijb'a ub'itaq re, te'uri x-an chrij jun axna, xterej b'i chkij i achiyab' chi je utaqom b'i ma David xaq x-achnimax b'i kumal jo'ob' rajke'el, are xupon ru' ma David xk'uli ru'.